ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້ໄປຢາມແຂວງບໍ່ແກ້ວໄດ້ສະແດງຄວາມຍິນດີຊົມເຊີຍການນຳ ແລະປະຊາຊົນແຂວງບໍ່ແກ້ວເພາະໄລຍະຜ່ານມາເຖິງແມ່ນວ່າ, ແຂວງບໍ່ແກ້ວໄດ້ປະສົບກັບຄວາມຫຍຸ້ງຍາກຫຼາຍຢ່າງເປັນຕົ້ນ:ບັນຫາການລະບາດຂອງພະຍາດໂຄວິດ-19, ບັນຫາໄພທໍາມະຊາດ, ລົມພະຍຸເຂົ້າ4ຄັ້ງ, ເຊິ່ງໄດ້ສົ່ງຜົນກະທົບໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະຊີວິດການເປັນຢູ່ຂອງພະນັກງານ, ທະຫານ, ຕຳຫຼວດ ແລະພໍ່ແມ່ປະຊາຊົນບັນດາເຜົ່າ, ອົງການປົກຄອງແຂວງ ແລະການຈັດຕັ້ງທຸກຂັ້ນໄດ້ເພີ່ມທະວີຍົກສູງຄວາມຮັບຜິດຊອບທາງດ້ານການເມືອງຂອງຕົນເຂົ້າໃນການຊີ້ນຳ, ນຳພາຈັດຕັ້ງປະຕິບັດການປ້ອງກັນສະກັດກັ້ນພະຍາດໂຄວິດ-19, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມທີ່ວາງໄວ້,ເຮັດໃຫ້ແຂວງມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບຄວາມເປັນລະບຽບລຽບລອຍຫັນການຄຸ້ມຄອງລັດ, ຄຸ້ມຄອງສັງຄົມເຂົ້າສູ່ລະບຽບກົດໝາຍດີຂື້ນກວ່າເກົ່າ, ປັບປຸງການຍົກລະດັບການເພິ່ງຕົນເອງກຸ້ມຕົນເອງສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ, ຖືເອົາກຳລັງປ້ອງກັນຊາດ, ປ້ອງກັນຄວາມສະຫງົບເປັນບັນຫາສຳຄັນ, ແກ້ໄຂບັນຫາຄຸ້ມຄອງສໍາມະໂນຄົວ, ແກ້ໄຂບັນຫາອາສະຍາກໍາທາງອາຍາ, ບັນຫາຢາເສບຕິດ, ການຄ້າມະນຸດ, ການຄ້າ-ຂາຍເຖື່ອນ ແລະບັນຫາອື່ນທີ່ເປັນປະກົດການຫຍໍ້ທໍ້ໃນສັງຄົມ; ສົ່ງເສີມປະຊາຊົນທຳການຜະລິດກະສິກຳເປັນສີນຄ້າ; ເອົາໃຈໃສ່ເກັບລາຍຮັບເຂົ້າງົບປະມານໃຫ້ໄດ້ຕາມແຜນການ; ຄຸ້ມຄອງໂຄງການລົງທືນຂອງພາກລັດ ແລະເອກກະຊົນສຸມໃສ່ແກ້ໄຂຄວາມທຸກຍາກຂອງປະຊາຊົນໂດຍຖືເອົາຄອບຄົວ ແລະ ບ້ານເປັນເປົ້າໝາຍ, ທັ້ງນີ້ແມ່ນເພື່ອປັບປຸງຄຸນນະພາບຊີວິດການເປັນຢູ່ຂອງປະຊາຊົນໃຫ້ດີຂື້ນເປັນກ້າວໆ.

ໃນໂອກາດທີ່ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ພ້ອມຄະນະໄດ້ລົງກວດກາເບີ່ງໂຄງການປັບປຸງທ່າເຮືອ ແລະໂຄງການກໍ່ສ້າງຕາຝັ່ງກັນເຈື່ອນເຂດແຄມຂອງເຊີ່ງປະຈຸບັນໜ້າວຽກຕ່າງໆໄດ້ດຳເນີນຕາມແຜນການທີ່ວາງໄວ້. ຈາກນັ້ນ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງຢ້ຽມຢາມແຂວງໄຊຍະບູລີ ໂດຍມີຜູ້ຕາງໜ້າຈາກກະຊວງ, ຂະແໜງການທີ່ກ່ຽວຂ້ອງເຂົ້າຮ່ວມເດີນທາງ; ໂອກາດນີ້ ທ່ານ ພົງສະຫວັນ ສິດທິພົງ,ເຈົ້າແຂວງໄຊຍະບູລີ ໄດ້ລາຍງານກ່ຽວກັນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມພາຍຂອງແຂວງໃນໄລຍະຜ່ານມາ.

ສີ່ງພົ້ນເດັ່ນແມ່ນການປູກພືດລະດູແລ້ງຂອງປະຊາຊົນເຊັ່ນ: ພືດຜັກ, ໝາກຖົ່ວ, ໝາກແຕງ,ໝາກເພັດ ແລະອື່ນໆ, ໄປພ້ອມກັບການລ້ຽງສັດຕິດພັນກັບການປູກຫຍ້າຂອງຄອບຄົວເຊັ່ນ: ເປັດ, ໄກ່, ໝູ ແລະ ງົວ, ຄວາຍຈຳນວນໜຶ່ງເຮັດໃຫ້ໄດ້ຫັນມາລ້ຽງແບບເປັນຟາມຫຼາຍຂຶ້ນ, ມາຮອດປະຈຸບັນມີຟາມໄກ່ 22 ຟາມ, ຟາມໝູ 35 ຟາມ, ແລະຟາມງົວ-ຄວາຍ, ສາມາດຕອບສະໜອງສະບຽງອາຫານຢູ່ພາຍໃນ ແລະສົ່ງຈຳໜ່າຍຕ່າງແຂວງຈໍານວນໜຶ່ງ. ບັນຫາ ຫຍຸ້ງຍາກທີ່ພວມປະເຊີນແມ່ນໄພແຫ້ງແລ້ງແກ່ຍາວໜັກໜ່ວງກວ່າຊຸມປີຜ່ານມາເຮັດໃຫ້ປະລິມານນໍ້າຫ້ວຍ, ນໍ້າໜ້າອ່າງບົກແຫ້ງຜິດປົກກະຕິ, ປະຈຸບັນຂາດນໍ້າໃຊ້ເຂົ້າໃນການຜະລິດລະດູປີ. ສໍາລັບແຜນການຕໍ່ໜ້າແຂວງຈະສຸມໃສ່ຊຸກຍູ້ການຜະລິດລະດູປີ, ການຜະລິດກະສິກໍາ ຕິດພັນກັບການປຸງແຕ່ງຢູ່ພາຍໃນເທື່ອລະກ້າວ, ຊຸກຍູ້ປະຊາຊົນໃຫ້ຫັນມາປູກພືດຊະນິດອື່ນທົດແທນ ເປັນຕົ້ນ: ມັນຕົ້ນ, ສາລີ, ຖົ່ວດິນ, ຖົ່ວແດງ, ຖົ່ວເຫຼືອງ, ມັນດ້າງ ແລະອື່ນໆ, ຕິດຕາມຊຸກຍູ້ການເປີດການຮຽນ-ການສອນຂອງຄູອາຈານ ແລະນັກຮຽນ, ເອົາໃຈໃສ່ປະຕິບັດມາດຕະການສະກັດກັ້ນ, ກັນການລະບາດ, ຄວບຄຸມ ແລະກຽມຄວາມພ້ອມຮອບດ້ານເພື່ອຕ້ານ ແລະສະກັດກັ້ນ ພະຍາດໂຄວິດ-19 ແລະປ້ອງກັນການລະບາດພະຍາດໄຂ້ຍຸງລາຍ.

ໂອກາດນີ້ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະການລົງທຶນໄດ້ຮຽກຮ້ອງໃຫ້ອຳນາດການປົກຄອງແຂວງບໍ່ແກ້ວ ແລະໄຊຍະບູລີເອົາໃຈໃສ່ປະຕິບັດແຜນພັດທະນາເສດຖະກິດ-ສັງຄົມທີ່ວາງອອກໃຫ້ປະກົດຜົນເປັນຈີງ; ສົ່ງເສີມປະຊາຊົນປູກຝັງ-ລ້ຽງສັດເປັນສີນຄ້າເພື່ອສ້າງລາຍຮັບໃຫ້ແກ່ຄອບຄົວ; ຕິດຕາມກວດກາໂຄງການລົງທືນຕ່າງໆຂອງພາກລັດ ແລະ ເອກະຊົນຢ່າງຕໍ່ເນື່ອງເພື່ອໃຫ້ເກີດຜົນປະໂຫຍດສູງສຸດ, ຄຸ້ມຄອງການລົງທືນຜ່ານປະຕູດຽວ, ພ້ອມດຽວກັນກໍ່ຕ້ອງສົ່ງເສີມວຽກງານການສືກສາ-ສາທາລະນະສຸກຄຽງຄູ່ກັບວຽກງານດ້ານອື່ນໆທີ່ປິ່ນອອ້ມ, ເພີ້ມທະວີເອົາໃຈໃສ່ໃນການຄຸ້ມຄອງສະພາບແວດລ້ອມແບບຍືນຍົງໂດຍສະເພາະແມ່ນປ່າໄມ້; ເພີ້ມທະວີໃນການຕ້ານ ແລະສະກັດກັ້ນການແຜ່ລະບາດຂອງ ພະຍາດໂຄວິດ-19 ພ້ອມເຜີຍແຜ່ຂໍ້ມູນຂ່າວສານກ່ຽວກັບຜົນຮ້າຍຂອງພະຍາດດັ່ງກ່າວໃຫ້ປະຊາຊົນໄດ້ຮັບຮູ້ແລະມີສ່ວນຮ່ວມໃນການຈັດຕັ້ງປະຕິບັດ; ແກ້ໄຂປະກົດການຫຍໍ້ທໍ້ທີ່ເກິດຂື້ນໃນສັງຄົມເປັນຕົ້ນແມ່ນການເຂົ້າ-ອອກເມືອງຜິດກົດໝາຍໃຫ້ທັນກັບສະພາບການ, ນຳໃຊ້ທ່າແຮງທີ່ມີພາຍໃນແຂວງຂອງຕົນເຂົ້າໃນການສ້າງຄວາມເຂັ້ມແຂງທາງດ້ານເສດຖະກິດ, ທັ້ງນີ້ເພື່ອຄວາມສະຫງົບສຸກ ແລະການດຳລົງຊີວິດການເປັນຢູ່ທີ່ດີຂອງພໍ່ແມ່ປະຊາຊົນ.


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ພິທີເຊັນບົດບັນທຶກການຮ່ວມມື ການຈັດຕັ້ງປະຕິບັດວຽກງານການກວດສຸຂະພາບ ປະຈຳປີ ໃຫ້ແຮງງານຢູ່ ເຂດເສດຖະກິດພິເສດ ໃນຂອບເຂດທົ່ວປະເທດ.

August 11, 2020 00:00 AM

ທ່ານ ນາງ ຄຳຈັນ ວົງແສນບູນ ຮອງເລຂາພັກ, ຮອງລັດຖະມົນຕີ ກະຊວງແຜນການ ແລະ ການລົງທຶນ ຜູ້ຊີ້ນຳວຽກງານເຂດເສດຖະກິດພິເສດ ຕໍ່ກັບ ພິທີເຊັນບົດບັນທຶກການຮ່ວມມື ກ່ຽວກັບ ການຈັດຕັ້ງປະຕິບັດວຽກງານ ການກວດສຸຂະພາບປະຈຳປີໃຫ້ແກ່ແຮງງານຢູ່ເຂດເສດຖະກິດພິເສດໃນຂອບເຂດທົ່ວປະເທດ ລະຫວ່າງ...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com