ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ຄະນະນຳຂອງ ກະຊວງແຜນການ ແລະ ການລົງທຶນລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານແຜນການ ແລະ ການລົງທຶນ ຢູ່ແຂວງ ໄຊສົມບູນ.

December 20, 2021 00:00 AM

 

ໃນຕອນເຊົ້າຂອງ ວັນທີ 7 ທັນວາ 2021 ທີ່ຫ້ອງວ່າການແຂວງໄຊສົມບູນໄດ້ມີພິທີຕ້ອນທ່ານ ນາງ ຄຳຈັນ ວົງແສນບຸນ, ຮອງລັດຖະມົນຕີກະຊວງແຜນການ ແລະ ການລົງທຶນ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານແຜນການ ແລະ ການລົງທຶນໂດຍການຕ້ອນຮັບຂອງທ່ານ ພົຕ ຄຳລຽງ ອຸທະໄກສອນ, ເຈົ້າແຂວງໄຊສົມບູນ ພ້ອມດ້ວຍຄະນະນຳແຂວງ ຕະຫຼອດຮອດພະນັກງານ ພາຍໃນພະແນກແຜນການ ແລະ ການລົງທຶນ ແຂວງ ເຂົ້າຮ່ວມ.

ໃນໂອກາດດັ່ງກ່າວ ທ່ານ ນາງ ຄຳຈັນ ວົງແສນບຸນ, ຮອງລັດຖະມົນຕີກະຊວງແຜນການ ແລະ ການລົງທຶນ ໄດ້ກ່າວຈຸດປະສົງ ໃນການລົງເຄື່ອນໄຫວຢ້ຽມຢາມ ແຂວງໄຊສົມບູນ ຄັ້ງນີ້ ຊຶ່ງເປັນການນຳສົ່ງພະນັກງານ ຂົງເຂດແຜນການ ແລະ ການລົງທຶນ ຈຳນວນໜຶ່ງ ລົງມາກໍ່ສ້າງຮາກຖານປະຈຳ ຢູ່ແຂວງໄຊສົມບູນ ເພື່ອຊ່ວຍພັດທະນາວຽກງານແຜນການ ແລະ ການລົງທຶນ ພາຍໃນແຂວງ ເພຶ່ອຮັບປະກັນເຖິງສອດຄ້ອງກັບວຽກງານຕົວຈິງ ແລະ ການຜັນຂະຫຍາຍບັນດານິຕິກຳ ແລະ ກົດໝາຍທີ່ຕິດພັນກັບວຽກງານຂະແໜງແຜນການ ແລະ ການລົງທຶນໃຫ້ໄດ້ປະສິດທິພາບ ແລະ ປະສິດທິຜົນໃຫ້ໄດ້ຫຼາຍຂຶ້ນ ເວົ້າສະເພາະ ກໍຄືສຸມໃສ່ວຽກງານການລົງທຶນ ຂອງແຂວງໄຊສົມບູນ ໃຫ້ນັບມື້ນັບກວ້າງຂວາງຂຶ້ນເລື້ອຍໆ ພ້ອມກັນນີ້ໃນໂອກາດດັ່ງກ່າວ ທ່ານເຈົ້າແຂວງໄຊສົມບູນ ໄດ້ສະແດງຄວາມຍິນດີ ແລະ ກ່າວຮັບ ພ້ອມທັງລາຍງານການເຄື່ອນໄຫວວຽກງານ ຮອບດ້ານໃນຂົງເຂດວຽກງານແຜນການ ແລະ ການລົງທຶນ ຂອງແຂວງ ໃນໄລຍະຜ່ານມາ ຊຶ່ງພາກສ່ວນຮັບຜິດຊອບວຽກງານດັ່ງກ່າວ ໄດ້ເອົາໃຈໃສ່ຈັດຕັ້ງປະຕິບັດ ດ້ວຍຄວາມຮັບຜິດຊອບສູງ ເຮັດໃຫ້ການພັດທະນາວຽກງານແຜນການ ແລະ ການລົງທຶນ ໄດ້ມີບາດກ້າວພົ້ນເດັ່ນ ພ້ອມທັງປະກອບສ່ວນທີ່ສຳຄັນ ເຂົ້າໃນການພັດທະນາເສດຖະກິດ ຂອງແຂວງໄຊສົມບູນ ໄດ້ເປັນຢ່າງດີ ແລະ  ເນື່ອງໃນໂອກາດ ທີ່ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ ຄັ້ງນີ້ ທ່ານຮອງລັດຖະມົນຕີກະຊວງແຜນການ ແລະ ການລົງທຶນ ຍັງໄດ້ນຳເອົາເຄື່ອງຊ່ວຍເຫຼືອຕ້ານໄພໜາວ ຈຳນວນໜຶ່ງ, ມາມອບໃຫ້ແຂວງໄຊສົມບູນ ເພື່ອນຳໄປແຈກຢາຍໃຫ້ປະຊາຊົນຜູ້ທຸກຍາກ ໃຫ້ທົ່ວເຖິງ.

 


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com