ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ກະຊວງແຜນການ ແລະ ການລົງທຶນ ປະກາດການຈັດຕັ້ງ ຂັ້ນຮອງລັດຖະມົນຕີ ແລະ ຂັ້ນຄະນະກົມ

December 17, 2021 00:00 AM

 

ວັນທີ 10 ທັນວາ 2021, ກະຊວງແຜນການ ແລະ ການລົງທຶນ, ນະຄອນຫຼວງວຽງຈັນໄດ້ຈັດພິທີປະກາດການຈັດຕັ້ງ ຂັ້ນລັດຖະມົນຕີ ແລະ ຂັ້ນຮອງຫົວໜ້າກົມ ຂອງກະຊວງແຜນການ ແລະ ການລົງທຶນຂື້ນ, ໃຫ້ກຽດເປັນປະທານ ໂດຍທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ເລຂາຄະນະພັກ ກະຊວງ ຜທ, ຮອງນາຍົກລັດຖະມົນຕີ, ລັດຖະມົນຕີ ກະຊວງ ຜທ ພ້ອມດຽວກັນນີ້ກໍ່ຍັງມີບັນດາທ່ານ ຄະນະປະຈຳພັກ, ຄະນະບໍລິຫານງານພັກ ກະຊວງ ຜທ,ບັນດາເລຂາໜ່ວຍພັກ, ຄະນະພັກ ຕະຫລອດຮອດສະມາຊິກພັກ-ພະນັກງານຫລັກແຫລ່ງ     ເຂົ້າຮ່ວມ.

ກອງປະຊຸມໄດ້ແຈ້ງການຕົກລົງຂອງຂັ້ນເທິງເພື່ອ ຍົກຍ້າຍ ທ່ານ ມະໂນທອງ ວົງໄຊ ຮອງລັດຖະມົນຕີກະຊວງແຜນການ ແລະ ການລົງທຶນ ໄປຮັບໜ້າທີ່ໃໝ່ຢູ່ ກະຊວງອຸດສາຫະກໍາ ແລະ ການຄ້າ ແລະ ແຕ່ງຕັ້ງໄດ້             ທ່ານ ສະຖາບັນດິດ ອິນສີຊຽງໃໝ່ ຮອງຫົວໜ້າສະຖາບັນຄົ້ນຄວ້າວິທະຍາສາດສັງຄົມແຫ່ງຊາດ ເປັນຮອງລັດຖະມົນຕີກະຊວງແຜນການ ແລະ ການລົງທຶນ. ພ້ອມດ່ຽວກັນນີ້, ສັບຊ້ອນ ແລະ ແຕ່ງຕັ້ງຂັ້ນຮອງຫົວໜ້າກົມ ຄື: ທ່ານ ຄໍາສາຍ ນັນທະວົງ ຮັກສາການຫົວໜ້າກົມນິຕິກໍາ ໄປເປັນຮອງຫົວໜ້າກົມສົ່ງເສີມການລົງທຶນ, ທ່ານນາງ ລັດຕະນາ ອິນທະພົນ ຮອງຫົວໜ້າຫ້ອງການສົ່ງເສີມປະຕູດຽວ ກົມສົ່ງເສີມການລົງທຶນ ໄປເປັນຮອງຫົວໜ້າຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ, ທ່ານ ນາງ ນວນລະອອງ ທໍາມະວົງ ເປັນຮອງຫົວໜ້າຫ້ອງການ ກະຊວງ ຜທ, ທ່ານ ພົງສະຫວັນ ລາດທິຈັກ ເປັນຮອງຫົວໜ້າຫ້ອງການ ກະຊວງ ຜທ, ທ່ານ ໄຊຍະວົງ ຈິດຕະວົງ ເປັນຮອງຫົວໜ້າກົມຈັດຕັ້ງ ແລະ ພະນັກງານ ກະຊວງ ຜທ, ທ່ານພອນທະວົງ ສິງຫາລາດ ເປັນຮອງຫົວໜ້າກົມກວດກາ ກະຊວງ ຜທ, ທ່ານ ນະຄອນໄຊ ພິມມະຈັນ ເປັນຮອງຫົວໜ້າກົມກວດກາ ກະຊວງ ຜທ, ທ່ານ ປອ. ຈັນຕະນະພອນ ວົງໄຊ ເປັນຮອງຫົວໜ້າກົມແຜນການ ກະຊວງ ຜທ, ທ່ານ ນາງ ສົມພັດ ສຸວັນນະວົງ ເປັນຮອງຫົວໜ້າກົມປະເມີນຜົນ ກະຊວງ ຜທ,ທ່ານ ທອງດາ ເພັດມະນີວົງ ເປັນຮອງຫົວໜ້າກົມປະເມີນຜົນ ກະຊວງ ຜທ ແລະ ທ່ານ ນາງ ອຸດາລອນ ສີໂພວົງ ເປັນຮອງຫົວໜ້າກົມປະເມີນຜົນ ກະຊວງ ຜທ.

ໂອກາດນີ້,  ທ່ານ ສອນໄຊ ສີພັນດອນ ໄດ້ໃຫ້ກຽດໂອ້ລົມ ຊຶ່ງມີບາງຕອນສໍາຄັນວ່າ: ການປັບປຸງກົງຈັກການຈັດຕັ້ງ ຖືເປັນເລື່ອງປົກກະຕິຂອງພັກ-ລັດເຮົາ ຊຶ່ງຈະຕ້ອງໄດ້ມີການປັບປຸງສັບຊ້ອນ, ຈັດວາງໄປຕາມສະພາບຄວາມຮຽກຮ້ອງຕ້ອງການຂອງໜ້າທີ່ວຽກງານຕົວຈິງໃນແຕ່ລະໄລຍະ, ເປັນໄປຕາມຫຼັກ ການ ມີເຂົ້າ-ມີອອກ; ມີຂຶ້ນ-ມີລົງ ຊຶ່ງສອດຄ່ອງກັບມະຕິ 04/ຄບສພ. ວ່າດ້ວຍການເພີ່ມທະວີການຫັນປ່ຽນຢ່າງແຂງແຮງ ແລະ ເລິກເຊິ່ງໃນວຽກງານພະນັກງານ. ສະນັ້ນ, ໃນເມື່ອບັນດາທ່ານໄດ້ຮັບການແຕ່ງຕັ້ງ, ສັບຊ້ອນແລ້ວ ກໍຂໍໃຫ້ຍົກສູງຄວາມຮັບຜິດຊອບທາງດ້ານການເມືອງຂອງຕົນໃຫ້ສູງຂຶ້ນ ເພາະໜ້າທີ່ວຽກງານທີ່ພວກທ່ານຈະໄດ້ແບກຫາບໃນຕໍ່ໜ້ານັ້ນ ກໍຍິ່ງຈະໜັກໜ່ວງ, ກວ້າງຂວາງ ແລະ ຕ້ອງມີຄວາມຮັບຜິດຊອບສູງ. ສະນັ້ນ ຂໍໃຫ້ສືບຕໍ່ເພີ່ມທະວີຄວາມບຸກໜ້າບືນຕົວ, ຫ້າວຫັນ ແລະ ມີຄວາມເສຍສະຫຼະອົດທົນຫຼາຍກວ່າເກົ່າ ເພື່ອເຮັດໜ້າທີ່ເປັນເສນາທິການທີ່ເກັ່ງ, ເລິກເຊິ່ງ ໃນການຈັດຕັ້ງຜັນຂະຫຍາຍໃນວຽກງານເສດຖະກິດ ເພື່ອໃຫ້ສາມາດປະກອບສ່ວນເຂົ້າໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນຢູ່ປະເທດເຮົາ. ຕ້ອງໄດ້ເພີ່ມທະວີຍົກສູງຄວາມຮັບຜິດຊອບຂອງຕົນໃນການຄົ້ນຄວ້າ, ວິເຄາະວິໄຈ, ສັງລວມ ແລະ ປະສານງານກັບບັນດາກົມ, ບັນດາກະຊວງ, ອົງການທຽບເທົ່າ, ອົງການປົກຄອງທ້ອງຖິ່ນ ທີ່ກ່ຽວຂ້ອງເພື່ອເຮັດໜ້າທີ່ເປັນເສນາທິການທີ່ດີໃຫ້ແກ່ຄະນະພັກກະຊວງ ມີປະສິດທິພາບ, ປະສິດທິຜົນສູງຍິ່ງຂຶ້ນ.

 


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com