ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ທ່ານ ສອນໄຊ ສີພັນດອນ ພົບປະແລກປ່ຽນກັບ ທ່ານ ເຫີ ລີ້ເຟິ່ງ, ຮອງປະທານສະພາທີ່ປຶກສາການເມືອງ, ປະທານຄະນະພັດທະນາ ແລະປະຕິຮູບ ແຫ່ງຊາດຈີນ ຜ່ານລະບົບກອງປະຊຸມທາງໄກ

November 24, 2021 00:00 AM

 

ຕອນບ່າຍວັນທີ 19 ພະຈິກ 2021, ທີ່ກະຊວງແຜນການ ແລະ ການລົງທຶນໄດ້ຈັດກອງປະຊຸມພົບປະລະຫວ່າງ ລັດຖະບານ ສປປ ລາວ ຮ່ວມກັບ ຄະນະພັດທະນາ ແລະ ປະຕິຮູບແຫ່ງຊາດຈີນຂື້ນຜ່ານທາງລະບົບທາງໄກ, ໂດຍການເປັນປະທານຂອງ ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ ຮ່ວມກັບ ທ່ານ ເຫີ ລີ້ເຟິ່ງ, ຮອງປະທານສະພາ ທີ່ປຶກສາການເມືອງ, ປະທານຄະນະພັດທະນາ ແລະ ປະຕິ ຮູບແຫ່ງຊາດຈີນ, ໂດຍມີຮອງລັດຖະມົນຕີ, ບັນດາຫົວຫນ້າກົມທີ່ກ່ຽວຂ້ອງຂອງສອງຝ່າຍເຂົ້າຮ່ວມ. ສອງຝ່າຍໄດ້ປຶກສາຫາລື ກ່ຽວກັບບັນດາເອກະສານ ທີ່ໄດ້ຕົກລົງຮ່ວມກັນໃນໄລຍະທີ່ຜ່ານມາເປັນຕົ້ນແມ່ນສັນຍາຮ່ວມ ກັນຊຸກຍູ້ການສ້າງຫນຶ່ງແລວຫນຶ່ງເສັ້ນທາງ, ຂອບການຮ່ວມມືພັດທະນາແລວທາງເສດຖະກິດ ລາວ-ຈີນ  ( 2019-2030),ສັນຍາຊຸກຍູ້ໂຄງການສໍາຄັນໃນຂອບຄວາມອາດສາມາດໃນການຜະລິດ ແລະ ການລົງທຶນ ເປັນຕົ້ນສອງຝ່າຍ ລາວ - ຈີນ ໄດ້ຕົກລົງເປັນເອກະພາບກັນກໍານົດບາງວຽກງານທີ່ຕ້ອງໄດ້ເອົາໃຈໃສ່ສືບຕໍ່ ຜັນຂະຫຍາຍໃຫ້ເປັນຈິງເຊັ່ນ: ຊຸກຍູ້ຂອບການຮ່ວມມືພັດທະນາແລວທາງເສດຖະກິດ ລາວ-ຈີນ, ຊຸກຍູ້ ໂຄງການຮ່ວມມືຂອບຄວາມອາດສາມາດການຜະລິດ ແລະ ການລົງທຶນ ຊຸດທີ 3 ໃຫ້ເກີດຜົນເປັນຈິງເຊິ່ງລວມມີ 32 ໂຄງການ ແລະ ຊຸກຍູ້ການຮ່ວມມືແລກປ່ຽນດ້ານວິຊາການ ລະຫວ່າງສອງຂະ ແຫນງການ ນໍາອີກ.

ໂອກາດນີ້ ທ່ານ ສອນໄຊ ສີພັນດອນ ຍັງໄດ້ລາຍງານ ສະພາບການພັດທະນາເສດຖະກິດ -ສັງຄົມ ຂອງ ສປປ ລາວ ໂດຍຫຍໍ້ ແລະ ໃຫ້ຮູ້ວ່າ: 5 ປີ ທີ່ຜ່ານມາເສດຖະກິດ ສປປ ລາວ ເຕີບໂຕຢູ່ໃນລະດັບ 5,8% .ທ່ານຍັງໄດ້ນໍາສະ ເໜີ ຝ່າຍຈີນສືບຕໍ່ສະຫນັບສະໜູນໂຄງການລົງທຶນພື້ນຖານໂຄງລ່າງຂະຫນາດໃຫຍ່ເຊັ່ນ: ທາງດ່ວນ ໃນຮູບແບບ BOT ແລະ ໂຄງການ PPP  ແລະ ການລົງທຶນ ອື່ນໆ ໃຫ້ຫລາຍຂຶ້ນເຖິງແມ່ນວ່າການລະບາດໂຄວິດ - 19 ໄດ້ເຮັດໃຫ້ສະພາບເສດຖະກິດ, ການຄ້າ ແລະ ການລົງທຶນ ມີທ່າອ່ຽງຫຼຸດລົງກໍ່ຕາມ, ແຕ່ການຮ່ວມມື ລາວ-ຈີນ ໂດຍສະເພາະໂຄງການຂະຫນາດໃຫຍ່ແມ່ນຍັງສາມາດສືບຕໍ່ຈັດຕັ້ງປະ ຕິບັດໄດ້ເປັນຢ່າງດີ.

ສອງຝ່າຍ ຍັງໄດ້ລົງນາມໃນບົດບັນທຶກຄວາມເຂົ້າໃຈການສ້າງຕັ້ງຄະນະປະສານງານຮ່ວມເພື່ອຈັດຕັ້ງປະຕິບັດ ຂອບການຮ່ວມມືແລວທາງເສດຖະກິດ ລາວ - ຈີນ ແລະ ສັນຍາວ່າດ້ວຍ "ການຢືນຢັນພ້ອມທັງຮ່ວມກັນຊຸກຍູ້ໂຄງການຮ່ວມມືຈຸດສຸມໃນຂອບຄວາມອາດສາມາດການຜະລິດ ແລະ ລົງທຶນ" ຊຸດ ທີ 3 ລະຫວ່າງ ກະຊວງແຜນການ ແລະ ການລົງທຶນ ສປປ ລາວ ກັບ ຄະນະພັດທະນາ ແລະ ປະຕິຮູບ ແຫ່ງຊາດຈີນ.

 

 


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com