ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ກອງປະຊຸມສໍາມະນາວິທະຍາສາດ "ຜັນຂະຫຍາຍວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ເຂົ້າສູ່ວຽກງານຕົວຈິງຂອງຊາວໝຸ່ມປະຊາຊົນປະຕິວັດລາວໃນຂົງເສດຖະກິດ

November 24, 2021 00:00 AM

ໃນຕອນເຊົ້າ ຂອງວັນທີ 19 ພະຈິກ 2021, ທີ່ກະຊວງແຜນການ ແລະ ການລົງທຶນ, ຄະນະບໍລິຫານງານຊາວໜຸ່ມກະຊວງແຜນການ ແລະ ການລົງທຶນ ໄດ້ຈັດກອງປະຊຸມສໍາມະນາວິທະຍາສາດໃນຫົວຂໍ້      "ຜັນຂະຫຍາຍວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ເຂົ້າສູ່ວຽກງານຕົວຈິງຂອງຊາວໝຸ່ມປະຊາຊົນປະຕິວັດລາວໃນຂົງເຂດເສດຖະກິດ" ພາຍໃຕ້ການເປັນປະທານຂອງ ສະຫາຍ ອຸຕະແກ້ວ ແກ້ວດວງສິນ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມ ກະຊວງ ແຜນການ ແລະ ການລົງທຶນ ໂດຍມີຄະນະນໍາກະຊວງ, ຄະນະບໍລິຫານງານພັກກະຊວງ, ຜູ້ຕາງໜ້າບັນດາໜ່ວຍພັກ, ບັນດາຄະນະຊາວໜຸ່ມແຮກສ່ຽວ ແລະ ຄະນະຊາວໜຸ່ມຈາກບັນດາກະຊວງ-ອົງການໃນຂະແໜງເສດຖະກິດ ແລະ ຜູ້ເຂົ້າຮ່ວມຈາກບັນດາໜ່ວຍຊາວໜຸ່ມອ້ອມຂ້າງກະຊວງແຜນການ ແລະ ການລົງທຶນ ລວມທັງໝົດ ຈໍານວນ 200 ກວ່າສະຫາຍ ໂດຍນໍາໃຊ້ຮູບແບບປະສົມປະສານລະຫວ່າງກອງປະຊຸມປົກກະຕິ ແລະ ກອງປະຊຸມຜ່ານລະບົບທາງໄກ.

ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອສ້າງຄວາມຮັບຮູ້ ແລະ ຄວາມເຂົ້າໃຈໃຫ້ແກ່ສະມາຊິກຊາວໝຸ່ມໃນຂົງເຂດເສດຖະກິດ ກ່ຽວກັບວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ເພື່ອໃຫ້ສາມາດນໍາໄປຜັນຂະຫຍາຍເຂົ້າໃນວຽກງານຕົວຈິງທີ່ຕົນຮັບຜິດຊອບ ແລະ ໃຫ້ສາມາດຈັດຕັ້ງປະຕິບັດໄດ້ຢ່າງມີປະສິດທິພາບ ແລະ ປະສິດທິຜົນ ບັນລຸຕາມຈຸດປະສົງ ແລະ ຄາດໝາຍ. ມະຕິກອງປະຊຸມໃຫຍ່ ຄັ້ງທີ XI ຂອງພັກ ໄດ້ຊີ້ໃຫ້ເຫັນເຖິງຄວາມຫຍຸ້ງຍາກດ້ານເສດຖະກິດ-ການເງິນໃນໄລຍະຜ່ານມາ ທີ່ມີລັກສະນະຊໍ້າເຮືອ ແລະ ຍັງບໍ່ທັນໄດ້ຮັບການແກ້ໄຂຢ່າງຂາດຕົວ ເຖິງແມ່ນວ່າ ລັດຖະບານໄດ້ມີຄວາມພະຍາ ຍາມສູງໃນການແກ້ໄຂຄວາມຫຍຸ້ງຍາກດັ່ງກ່າວກໍ່ຕາມ ເປັນຕົ້ນ: ການແກ້ໄຂບັນຫາໜີ້ສິນ, ການປັບປຸງສະພາບແວດລ້ອມການດໍາເນີນທຸລະກິດ ແລະ ບັນຫາອືື່ນໆ. ແຕ່ເນື່ອງຈາກ ພື້ນຖານເສດຖະກິດຂອງປະເທດເຮົາ ຍັງມີຄວາມບອບບາງ ບໍ່ທັນມີພື້ນຖານສ້າງລາຍຮັບໄດ້ຕາມທ່າແຮງບົ່ມຊ້ອນທີ່ມີ, ລະບົບການເງິນ-ເງິນຕາຍັງອ່ອນນ້ອຍ. ຍ້ອນສະພາບດັັງກ່າວ, ລັດຖະບານຈຶ່ງຖືເອົາການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນເປັນວຽກງານຈໍາເປັນ-ຮີບດ່ວນ ແລະ ຍົກໃຫ້ເປັນວາລະແຫ່ງຊາດເພື່ອດໍາເນີນການແກ້ໄຂຮີບດ່ວນ ໃນໄລຍະປີ 2021-2023 ນີ້. ໃນກອງປະຊຸມຍັງໄດ້ມີການປະກອບຄໍາເຫັນຢ່າງຫຼາກຫຼາຍຈາກບັນດາຊາວໜຸ່ມແຮກສ່ຽວ, ຕາງໜ້າຊາວໜຸ່ມກະຊວງການເງິນ, ກະຊວງອຸດສາຫະກໍາ ແລະ ການຄ້າ ແລະ ທະນາຄານແຫ່ງ ສປປ ລາວ ແລະ ບັນດາໜ່ວຍຊາວໜຸ່ມໃນກະຊວງແຜນການ ແລະ ການລົງທຶນ ຊຶ່ງເຮັດໃຫ້ກອງປະຊຸມມີບັນຍາກາດທີ່ຄຶກຄື້ນ ແລະ ເຕັມໄປດ້ວຍການປຶກສາຫາລືທີ່ເປັນປະໂຫຍດ. ພ້ອມດຽວກັນນັ້ນ, ກອງປະຊຸມໄດ້ຮັບກຽດເປັນຢ່າງສູງ ຈາກ ສະຫາຍ ບຸນຕາ ເທບພະວົງ ກຳມະການສຳຮອງສູນກາງພັກ, ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕີວັດລາວ ທີ່ໄດ້ມີຄໍາເຫັນໂອ້ລົມຕໍ່ກອງປະຊຸມ ຊຶ່ງການໂອ້ລົມຂອງສະຫາຍຈະເປັນເຂັມຊີ້ທິດເຍືອງທາງໃຫ້ແກ່ບັນດາຊາວໜຸ່ມໃນຂົງເຂດເສດຖະກິດໃນການຈັດຕັ້ງປະຕິບັດວາລະແຫ່ງຊາດໃຫ້ປະກົດຜົນເປັນຈິງ.

ໃນຕອນທ້າຍ ທ່ານປະທານກອງປະຊຸມ ໄດ້ຮຽກຮ້ອງມາຍັງບັນດາສະຫາຍສະມາຊິກຊາວໜຸ່ມທຸກສະຫາຍທີ່ເຂົ້າຮ່ວມກອງປະຊຸມໃນຄັ້ງນີ້ ສຶກສາຄົ້ນຄວ້າ ແລະ ນໍາເອົາວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ມີຜົນສຳເລັດຢ່າງຈົບງາມ.

 

 

     

 


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com