ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ກະຊວງແຜນການ ແລະ ການລົງທຶນ ໄດ້ຈັດກອງປະຊຸມພົບປະສອງຝ່າຍ ແບບທາງໄກ ລະຫວ່າງກະຊວງແຜນການ ແລະ ການລົງທຶນ ແລະ ສະຖາບັນການເຕີບໂຕສີຂຽວສາກົນ (GGGI)

November 01, 2021 00:00 AM

  • ໃນວັນທີ 25 ຕຸລາ 2021, ທີ່ ກະຊວງແຜນການ ແລະ ການລົງທຶນ ໄດ້ຈັດກອງປະຊຸມພົບປະສອງຝ່າຍ ແບບທາງໄກ ລະຫວ່າງກະຊວງແຜນການ ແລະ ການລົງທຶນ ແລະ ສະຖາບັນການເຕີບໂຕສີຂຽວສາກົນ (GGGI) ທີ່ມີສໍານັກງານໃຫຍ່ຕັ້ງຢູ່ ນະຄອນຫຼວງໂຊ ສ.ເກົາຫຼີ. ຝ່າຍກະຊວງແຜນການ ແລະ ການລົງທຶນ ແມ່ນນໍາໂດຍ ທ່ານ ນາງ ພອນວັນ ອຸທະວົງ, ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ຝ່າຍ GGGI ແມ່ນນໍາໂດຍ ທ່ານ Gerhard O’Donoghue, ຜູ້ຊ່ວຍຜູ້ອໍານວຍການໃຫຍ່ສະຖາບັນການເຕີບໂຕສີຂຽວສາກົນ (GGGI). ນອກນັ້ນ, ຍັງມີບັນດາທ່ານ ຜູ້ຕາງໜ້າຈາກກົມແຜນການ, ສູນຄົ້ນຄວ້ານະໂຍບາຍການພັດທະນາ, ກົມສົ່ງເສີມການລົງທຶນ, ກົມຮ່ວມມືສາກົນ, ຫ້ອງການຄຸ້ມຄອງເຂດເສດຖະກິດພິເສດ ແລະ ຫົວໜ້າຜູ້ຕາງໜ້າສະຖາບັນການເຕີບໂຕສີຂຽວສາກົນ (GGGI) ປະຈໍາສປປ ລາວ ເຂົ້້າຮ່ວມ.

 

 

ກອງພົບປະ 2 ຝ່າຍໃນຄັ້ງນີ້ແມ່ນມີຈຸດປະສົງເພື່ອປຶກສາຫາລື ແລະ ລາຍງານຄວາມຄືບໜ້າການຈັດຕັ້ງປະຕິບັດແຜນງານຕ່າງໆ ຂອງສະຖາບັນການເຕີບໂຕສີຂຽວສາກົນ (GGGI) ໃນ ສ ປປ ລາວ ໃນໄລຍະຜ່ານມາ ແລະ ການຮ່ວມມືດ້ານຕ່າງໆໃນອະນາຄົດ. ຜ່ານການສົນທະນາປຶກສາຫາລືຢ່າງກົງໄປກົງມາ, ທັງສອງຝ່າຍໄດ້ຕີລາຄາສູງເຖິງຄວາມສຳຄັນໃນການຮ່ວມມືໃນໄລຍະຜ່ານມາໃນຂົງເຂດວຽກງານທີ່ຕິດພັນກັບການປົກປັກຮັກສາສິ່ງແວດລ້ອມ ແລະ ການເຕີບໂຕສີຂຽວ ແລະ ການສືບຕໍ່ເຮັດວຽກຮ່ວມກັນຢ່າງໃກ້ຊິດໃນຕໍ່ໜ້າ. ທ່ານ ນ. ພອນວັນ ອຸທະວົງ ໄດ້ສະແດງຄວາມຂອບໃຈຕໍ່ກັບ ສະຖາບັນການເຕີບໂຕສີຂຽວສາກົນ (GGGI) ທີ່ໃຫ້ການຊ່ວຍເຫຼືອ ສປປ ລາວ ໃນຫຼາຍດ້ານ ແລະ ຫຼາຍຂະແໜງການ ໂດຍສະເພາະ ການເຊື່ອມສານການເຕີບໂຕສີຂຽວເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025), ການຄົ້ນຄວ້າຍຸດທະສາດການເຕີບໂຕສີຂຽວແຫ່ງຊາດ ຮອດປີ 2030 ແລະ ໂຄງການອື່ນໆອີກຈໍານວນໜຶ່ງ. ນອກນັ້ນ, ກໍໄດ້ສະເໜີໃຫ້ ສະຖາບັນການເຕີບໂຕສີຂຽວສາກົນ (GGGI) ໃຫ້ການຊ່ວຍເຫຼືອດ້ານງົບປະມານ ແລະ ດ້ານວິຊາການແກ່ ສປປ ລາວ ໃນດ້ານຕ່າງໆ ເປັນຕົ້ນ ການນໍາໃຊ້ຍານພາຫະນະທີ່ນໍາໃຊ້ໄຟຟ້າ, ການສ້າງໂຮງງານລີໄຊໂຄຂີ້ເຫຍື້ອ, ການຊື້-ຂາຍອາຍກາກບອນ ແລະ ອື່ນໆ.

 


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com