ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ກອງປະຊຸມ ຄະນະນຳ ຮ່ວມກັບບັນດາກົມ, ຫ້ອງການ ແລະ ສູນອອ້ມຂ້າງແຜນການ ແລະ ການລົງທຶນ ປະຈຳເດືອນຕຸລາ 2021

November 01, 2021 00:00 AM

  ໃນໄລຍະວັນທີ 27-28 ຕຸລາ 2021, ທີ່ກະຊວງແຜນການ ແລະ ການລົງທຶນ, ໄດ້ຈັດກອງປະຊຸມ ຄະນະນຳ   ຮ່ວມກັບດາກົມປະຈໍາເດືອນ ຕຸລາ 2021, ໂດຍການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ພ້ອມກັນນີ້ກໍ່ມີບັນດາທ່ານ ຮອງລັດຖະມົນຕີ, ຫົວໜ້າສູນສະຖິຕິແຫ່ງຊາດ, ຮອງຫົວໜ້າສູນສະຖິຕິແຫ່ງຊາດ, ບັນດາຫົວໜ້າກົມ, ຫົວໜ້າຫ້ອງການ ແລະ ຫົວໜ້າສູນພ້ອມດ້ວຍຕາງໜ້າກໍ່ໄດ້ເຂົ້າຮ່ວມ.

ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອສະຫຼຸບຕີລາຄາການຈັດຕັ້ງປະຕິບັດວຽກງານຂອງ ກະຊວງ ແຜນການ ແລະ ການລົງທຶນໃນໄລຍະ 1ເດືອນຜ່ານມາ ແລະ ຮ່ວມກັນວາງທິດທາງແຜນວຽກຈຸດສຸມໃນໄລຍະທ້າຍປີ 2021. ພ້ອມນັ້ນກໍ່ຍັງຈະໄດ້ຮັບຟັງການລາຍງານ ແລະ ປະກອບຄຳຄິດຄຳເຫັນໃສ່ບັນດາເອກະສານ ທີ່ຈະລາຍງານຕໍ່ກອງປະຊຸມລັດຖະບານ, ກອງປະຊຸມ ນາຍົກ-ຮອງນາຍົກ, ກອງປະຊຸມສະພາແຫ່ງຊາດ ແລະ ກອງປະຊຸມສຳຄັນອື່ນໆ.

                 ກອງປະຊຸມຄະນະນຳ ຮ່ວມກັບບັນດາກົມ, ຫ້ອງການ, ສູນ ພາຍໃນ ກະຊວງ ແຜນການ ແລະ ການລົງທຶນ ປະຈຳເດືອນ ຕຸລາ 2021 ໄດ້ດຳເນີນມາເປັນເວລາ 1 ວັນເຄິ່ງ ດ້ວຍບັນຍາກາດອັນຟົດຟື້ນ. ບັນດາທ່ານໄດ້ພ້ອມກັນປະກອບຄຳຄິດຄຳເຫັນ ຢ່າງກົງໄປກົງມາ ແລະ ມີລັກສະນະແທດກັບຕົງຈິງ, ແລະ ເປັນປະໂຫຍດ ເພື່ອໃຫ້ຄະນະຮັບຜິດຊອບໄດ້ປັບປຸງໃຫ້ເນື້ອໃນມີຄວາມສົມບູນຂຶ້ນ ນອກນັ້ນກອງປະຊຸມໃນຄັ້ງນີ້ ທ່ານ ຮອງນາຍົກລັດຖະມົນຕີ, ລັດຖະມົນຕີ ກຜທ ໄດ້ສະແດງຄວາມຊົມເຊີຍບັນດາກົມ, ຫ້ອງການ ແລະ ສູນອອ້ມຂ້າງ ທີ່ໄດ້ເອົາໃຈໃສ່ປະຕິບັດພາລະບົດບາດຂອງຕົນ ແລະ ໄດ້ໃຫ້ເອົາໃຈໃສ່ຕໍ່ວຽກງານຂອງຕົນທີ່ຕ້ອງປະຕິບັດໃຫ້ສຳເລັດ ແລະ ທັນການ ຂອງລັດຖະບານ ແລະ ເພື່ອເຮັດໃຫ້ການຈັດຕັ້ງປະຕິບັດວຽກງານຈຸດສຸມຂອງ ກະຊວງ ແຜນການ ແລະ ການລົງທຶນ ບັນລຸຕາມແຜນການທີ່ວາງໄວ້ ທ່ານ ຮອງນາຍົກລັດຖະມົນຕີ, ລັດຖະມົນຕີ ກຜທ ສະເໜີໃຫ້ເອົາໃຈໃສ່ບາງວຽກງານຈຸດສຸມຈຳນວນໜຶ່ງດັ່ງນີ້: ການກະກຽມເອກະສານເພື່ອລາຍງານຕໍ່ກອງປະຊຸມລັດຖະບານ, ກອງປະຊຸມນາຍົກ-ຮອງນາຍົກ ແລະ ກອງປະຊຸມສະພາແຫ່ງຊາດ ໃນຫົວຂໍ້ຕ່າງໆ ແລະ ພ້ອມກັນນັ້ນ, ກໍກະກຽມວຽກສໍາຄັນຈໍານວນໜຶ່ງເປັນຕົ້ນແມ່ນ:

 

 

  1. ປັບປຸງບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 9 ເດືອນ, ຄາດຄະເນ 3 ເດືອນທ້າຍປີ 2021 ແລະ ແຜນປີ 2022 ຕາມຄໍາເຫັນຂອງກອງປະຊຸມຄົບຄະນະບໍລິຫານງານສູນກາງພັກ ແລະ ຄໍາເຫັນກອງປະຊຸມຄະນະນຳຮ່ວມກັບບັນດາກົມໃນມື້ນີ້;
  2. ປັບປຸງ ບົດສະຫຼຸບການຈັດຕັ້ງປະຕິບັດຄໍາສັ່ງ ສະບັບເລກທີ 02/ນຍ, ໃນການປັບປຸງບັນດາຂອດຂັ້ນ ແລະລະບຽບການໃນການດໍາເນີນທຸລະກິດ ຢູ່ ສປປ ລາວ ແລະເລກທີ 03/ນຍ ຄໍາສັ່ງວ່າດ້ວຍການປັບປຸງວຽກງານບໍລິການ ການອອກໃບອະນຸຍາດລົງທຶນ ແລະການອອກໃບອະນຸຍາດດໍາເນີນທຸລະກິດ;
  3. ກະກຽມຮ່າງດໍາລັດວ່າດ້ວຍການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນງົບປະມານແຫ່ງລັດ ປະຈໍາປີ 2022 (ເດືອນ ພະຈິກ);
  4. ກະກຽມແຜນຍຸດທະສາດການພັດທະນາເສດຖະກິດພິເສດຢູ່ ສປປ ລາວ ໄລຍະ 2021-2030 (ເດືອນ ທັນວາ);
  5. ກະກຽມລາຍງານສະພາບການຈັດຕັ້ງປະຕິບັດບັນດາເນື້ອໃນຂໍ້ຕົກລົງກອງປະຊຸມ ຄັ້ງທີ 43 ຂອງຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານແຫ່ງ ສປປ ລາວ ແລະ ລັດຖະບານ ສສ ຫວຽດນາມ ປະຈຳປິ 2021(ເດືອນ ທັນວາ);
  6. ກະກຽມລາຍງານສະພາບການຊ່ວຍເຫຼືອລ້າຂອງ ສປ ຈີນ ຕໍ່ ສປປ ລາວ (ເດືອນ ທັນວາ);
  7. ເຊື່ອມຊຶມ ແລະ ຜັນຂະຫຍາຍເອກະສານສຳຄັນຕ່າງໆຂອງພັກ ແລະ ຂອງຊາດ ໃຫ້ສະມາຊິກພັກ ແລະພະນັກງານ ພາຍໃນ ກະຊວງ ຜທ ເປັນຕົ້ນ ຜົນກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 18 ໄດ້ຈັດຂຶ້ນໃນວັນທີ 18-22 ຕຸລາ 2021, ແລະ ກອງປະຊຸມວຽກງານຈັດຕັ້ງທົ່ວປະເທດຄັ້ງທີ XI ກໍໄດ້ໄຂຂຶ້ນໃນວັນທີ 25-26 ຕຸລາ 202 ແລະ ອື່ນໆ;
  8. ປັບປຸງພາລະບົດບາດ ແລະ ກົງຈັກ ຂອງກະຊວງ ແລະ ບັນດາກົມກອງ ໃຫ້ສຳເລັດຕາມແຜນ ປະກອບກັບການ ກຳນົດພະນັກງານນຳພາ-ຄຸ້ມຄອງຂັ້ນກະຊວງ ຂອງກະຊວງແຜນການ ແລະການລົງທຶນ ແຕ່ປີ 2021-2025;
  9. ກະກຽມກອງປະຊຸມສໍາຄັນຕ່າງໆ ເປັນຕົ້ນ ກອງປະຊຸມໂຕະມົນ ລະດັບສູງ ຄັ້ງທີ 13, ກອງປະຊຸມທາງໄກ ລະຫວ່າງ ກະຊວງແຜນການ ແລະການລົງທຶນ ກັບ ຄະນະພັດທະນາ ແລະປະຕິຮູບແຫ່ງຊາດຈີນ, ກອງປະຊຸມທຸລະກິດລາວ-ຍີ່ປຸ່ນ, ກອງປະຊຸມສະຖິຕິປະຈຳປີ, ກອງປະຊຸມແຜນການ-ການເງິນ ປະຈຳປີ 2021, ກອງປະຊຸມ ຄັ້ງທີ 44 ຂອງຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະລັດຖະບານ ແຫ່ງ ສສ ຫວຽດນາມ, ກອງປະຊຸມ ຄະນະກຳມະການຮ່ວມມືລາວ-ຈີນ, ຈີນ-ລາວ ຄັ້ງທີ 12 ແລະ ກອງປະຊຸມພາກເໜືອລາວ ກັບ ແຂວງຢຸນນານ ຄັ້ງທີ 12;
  10. ສືບຕໍ່ກະກຽມການຈັດຄາລະວານ ທັດສະນະສຶກສາ ຕາມຮອຍປະຫວັດສາດ ຢູ່ 02 ແຂວງວິລະຊົນ, ແຂວງຊຽງຂວາງ ແລະຫົວພັນຂອງ 3 ອົງການຈັດຕັ້ງມະຫາຊົນ ຂອງກະຊວງແຜນການ ແລະການລົງທຶນ;

 


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com