ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ກອງປະຊຸມພົບປະລະຫວ່າງຮອງນາຍົກລັດຖະມົນຕີ ລາວ-ຫວຽດນາມ ໃນວຽກງານຂົງເຂດວຽກງານເສດຖະກິດ

September 06, 2021 00:00 AM

 

ໃນວັນທີ 9 ສິງຫາ 2021 ທີ່ໂຮງແຮມເມືອງແທ່ງ ນະຄອນຫລວງວຽງຈັນ ໄດ້ມີກອງປະຊຸມ ພົບປະລະຫວ່າງຮອງນາຍົກລັດຖະມົນຕີ ລາວ-ຫວຽດນາມ ກ່ຽວກັບຂົງເຂດວຽກງານເສດຖະກິດ, ໃນໂອກາດທີ່ທ່ານ ຫງວຽນ ຊວັນ ຟຸກ ປະທານປະເທດ ແຫ່ງ ສສ ຫວຽດນາມ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ, ຕາງໜ້າໃຫ້ຄະນະຜູ້ແທນຝ່າຍລາວ ນໍາໂດຍ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະການລົງທຶນ, ປະທານຄະນະກຳມະການຮ່ວມມື ລາວ-ຫວຽດນາມ; ຝ່າຍຫວຽດນາມ ນໍາໂດຍ ທ່ານ ເລ ວັນ ແທ່ງ ຮອງນາຍົກລັດຖະມົນຕີ, ມີບັນດາທ່ານ ລັດຖະມົນຕີ, ຮອງລັດຖະມົນຕີ ພ້ອມວິຊາການ ຂອງສອງປະເທດ ເຂົ້າຮ່ວມທັງໝົດ 30 ກວ່າທ່ານ ເພື່ອປຶກສາຫາລືສະພາບການພົວພັນຮ່ວມມືດ້ານການຄ້າ, ການລົງທຶນ ແລະ ການຊື້-ຂາຍໄຟຟ້າ ຂອງສອງປະເທດ.

ໂດຍຈຸດປະສົງຂອງກອງປະຊຸມໃນຄັ້ງນີ້ເຖິງແມ່ນວ່າໃນສະພາບການແຜ່ລະບາດຂອງໂຄວິດ-19 ຍັງມີທ່າອ່ຽງເພີ່ມຂື້ນທົ່ວໂລກລວມເຖິງ ສປປ ລາວ ແລະ ຫວຽດນາມ, ແຕ່ການພົວພັນຮ່ວມມືດ້ານການຄ້າ ຂອງສອງປະເທດໃນ 6 ເດືອນຕົ້ນປີ ສາມາດບັນລຸໄດ້ 671 ລ້ານໂດລາ ເພີ່ມຂຶ້ນ 36,5% ທຽບກັບປີຜ່ານມາ; ໃນນັ້ນມູນຄ່າສິນຄ້ານໍາເຂົ້າ ຈາກ ສສ ຫວຽດນາມ ບັນລຸໄດ້ 329 ລ້ານໂດລາສະຫະລັດ ເພີ່ມຂື້ນ 19% ທຽບໃສ່ໄລຍະດຽວກັນຂອງປີ 2020ດ້ານການລົງທຶນ, ເຖິງປະຈຸບັນ ລັດຖະບານລາວ ໄດ້ອະນຸຍາດໃຫ້ບັນດາວິສາຫະກິດຫວຽດນາມ ລົງທຶນ ຢູ່ລາວ ທັງໝົດ 414 ໂຄງການ   ມູນຄ່າການລົງທຶນປະມານ 4,1 ຕື້ໂດລາສາຫະລັດ ຈັດຢູ່ອັນດັບ 3 ຮອງຈາກ ສປ ຈີນ ແລະໄທ; ສ່ວນໃຫຍ່ແມ່ນເປັນການລົງທຶນໃນຂະແໜງ ກະສິກຳ, ພະລັງງານໄຟຟ້າ, ບໍ່ແຮ່ ແລະຂະແໜງບໍລິການອື່ນໆຕາມລຳດັບ. ນອກນັ້ນສອງຝ່າຍຍັງໄດ້ຊຸກຍູ້ໃຫ້ມີການຊື້-ຂາຍໄຟຟ້າ ທີ່ໄດ້ຕົກລົງກັນແລ້ວໂດຍໃຫ້ປະຕິບັດສໍາເລັດຕາມແຜນການກໍານົດ ແລະໄດ້ສືບຕໍ່ ຊຸກຍູ້ ບັນດາກິດຈະການ ໂຄງການທີ່ໄດ້ຕົກລົງກັນແລ້ວ ໃຫ້ເກີດເປັນຮູບປະທໍາ ແລະ ປະກົດຜົນເປັນຈິງຫລາຍຂື້ນ ເຊັ່ນ: ການກໍ່ສ້າງເສັ້ນທາງດ່ວນ ວຽງຈັນ-ຮ່າໂນ້ຍ, ໂຄງການທາງລົດໄຟ ລາວ-ຫວຽດນາມ, ທ່າເຮືອ ຫວຸງອາງ 1,2,3 ແລະ ສະໜາມບິນໜອງຄ້າງ ຢູ່ ແຂວງຫົວພັນ.

ຜົນສຳເລັດ ຂອງກອງປະຊຸມ ໃນຄັ້ງນີ້ ເປັນການປະກອບສ່ວນ ທີ່ສຳຄັນ ໃນການເພີ່ມພູນ ຄູນສ້າງສາຍພົວພັນມິດຕະພາບທີ່ເປັນມູນເຊື້ອ ຄວາມສາມັກຄີພິເສດ ແລະການຮ່ວມມືຮອບດ້ານ ລະ ຫວ່າງ ສອງປະເທດ ລາວ ແລະຫວຽດນາມ ໃຫ້ຂະຫຍາຍຕົວຢ່າງບໍ່ຢຸດຢັ້ງ;

 

 


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com