ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ກົມກວດກາ ເປີດກອງປະຊຸມຝຶກອົບຮົມວຽກງານກວດກາພັກລັດ ທົ່ວຂະແໜງແຜນການ ແລະ ການລົງທຶນ ຊຸດທີ V

April 01, 2021 00:00 AM

ໃນຕອນເຊົ້າວັນທີ 10 ມີນາ 2021 ຢູ່ທີ່ກະຊວງແຜນການ ແລະ ການລົງທຶນ ໄດ້ຈັດຊຸດຝຶກອົບຮົມວຽກງານກວດກາພັກ-ລັດ ທົ່ວຂະແໜງແຜນການ ແລະ ການລົງທຶນ ຊຸດທີ V ຂຶ້ນໃຫ້ກຽດເປັນປະທານໂດຍ ທ່ານ ປອ ກິແກ້ວ ຈັນທະບູຣີ ຄະນະປະຈຳພັກ, ປະທານຄະນະກວດກາພັກກະຊວງ, ຮອງລັດຖະມົນຕີ ກະຊວງແຜນການ ແລະ ການລົງທຶນ, ໂດຍການເປັນປະທານຮ່ວມຂອງທ່ານ ປອ. ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ, ອົງການກວດກາລັດຖະບານ, ຊຸດຝຶກອົບຮົມຄັ້ງນີ້ ມີຜູ້ຕາງໜ້າຈາກຄະນະກວດກາສູນກາງພັກ, ຮອງເລຂາຄະນະບໍລິຫານງານພັກ, ຄະນະປະຈຳພັກ, ຄະນະບໍລິຫານງານພັກກະຊວງ, ເລຂາໜ່ວຍພັກ, ຜູ້ກວດກາໜ່ວຍພັກ ພະນັກງານຫຼັກແຫຼ່ງກົມກວດກາ ກະຊວງ ຜທ, ພະນັກງານຜູ້ທີ່ເຮັດວຽກງານກວດກາ ກໍ່ຄືຂະແໜງກວດກາ ພະແນກແຜນການ ແລະ ການລົງທຶນ ມີເຂົ້າຮ່ວມທັງໝົດ 55 ຄົນ, ຍິງ 20 ຄົນ.

ຈຸດປະສົງ ເພື່ອເຮັດໃຫ້ສະມາຊິກພັກ, ພະນັກງານ ຜູ້ທີ່ຮັບຜິດຊອບວຽກງານກວດກາ ທົ່ວຂະແໜງແຜນການ ແລະ ການລົງທຶນ ໃນຂອບເຂດທົ່ວປະເທດ ໃຫ້ມີຄວາມເຂົ້າໃຈທີ່ຖືກຕ້ອງ, ເປັນເອກະພາບ ຕໍ່ກັບວຽກງານກວດກາໃນໄລຍະໃໝ່ ຕ້ອງບຸກທະລຸທາງດ້ານຈິນຕະນາການ ແລະ ການກະທຳ ຕ້ອງເຂົ້າໃຈວ່າວຽກງານກວດກາ ເປັນວຽກກວດກາຄືນຄວາມຖືກຕ້ອງ ເປັນຕົ້ນແມ່ນວິທີຈັດຕັ້ງປະຕິບັດກ່ຽວກັບວຽກງານຕິດຕາມ ການແກ້ໄຂຜົນການກວດກາ, ຜົນຂອງການກວດກາສອບ, ວຽກງານກວດກາພັກ, ວຽກງານກວດກາລັດ, ວຽກງານສະກັດກັ້ນຕ້ານການສໍ້ລາດບັງຫຼວງ ແລະ ການແກ້ໄຂຄຳຮ້ອງ-ຄຳສະເໜີ, ເນື່ອງຈາກວ່າ ວຽກງານກວດກາແມ່ນໜຶ່ງໃນພາລະບົດບາດການນຳພາຂອງພັກ ແລະ ເປັນຂອດຕັດສິນຊີ້ຂາດ ຂອງວຽກງານການຊີ້ນຳ-ນຳພາ ເຖີງການປະຕິບັດໜ້າທີ່ວຽກງານໃຫ້ຖືກຕ້ອງຕາມລະບຽບຫຼັກການ, ແນວທາງນະໂຍບາຍ, ຖືກຕ້ອງຕາມລະບຽບກົດໝາຍວາງອອກທຸກຂັ້ນຕອນ. ສະນັ້ນ, ພະນັກງານທີ່ເຮັດວຽກງານກວດກາ ຕ້ອງມີຄວາມເຂົ້າໃຈທີ່ຖືກຕ້ອງ, ເປັນເອກະພາບໃນການຈັດຕັ້ງປະຕິບັດຕາມລະບຽບການ ແລະ ກົດໝາຍທີ່ກຳນົດໄວ້ຢ່າງເປັນລະບົບ, ຂັ້ນເທີງກວດກາຂັ້ນລຸ່ມ, ຂັ້ນລຸ່ມມີສ່ວນຮ່ວມໃນການຕິດຕາມ ແລະ ສະເໜີຄຳເຫັນຕໍ່ຂັ້ນເທີງ, ການປະຕິບັດຜົນການກວດກາຕ້ອງປະສານສົມທົບກັບ ຄະນະພັກ, ຄະນະນຳ ແລະ ອົງການປົກຄອງແຕ່ລະຂັ້ນ ຕໍ່ກັບການຕົກລົງແກ້ໄຂຜົນຂອງການກວດກາ ໃຫ້ເຂັ້ມງວດ, ສັກສິດ ຕາມກົດລະບຽບຂອງພັກ ແລະ ກົດໝາຍຂອງລັດ.

ເອກກະສານທີ່ນຳມາຝຶກອົບຮົມໃນຄັ້ງນີ້ ປະກອບມີ: ຄວາມຮູ້ພື້ນຖານກ່ຽວກັບວຽກງານກວດກາຂອງພັກ, ວຽກງານຕິດຕາມພັກ, ກວດກາການຈັດຕັ້ງພັກ-ລັດ ແລະ ສະມາຊິກພັກ-ພະນັກງານ-ລັດຖະກອນ, ລະບຽບວິໄນຂອງພັກ ແລະ ກວດກາການລົງວິໄນພາຍໃນພັກ, ກວດກາພິສູດໃນວຽກງານກວດກາພັກ, ພຶ້ນຖານກ່ຽວກັບວຽກງານຈິດຕະສາດໃນວຽກງານກວດກາ, ວິທີສ້າງແຜນດຳເນີນການກວດກາ, ວຽກງານກວດກາລັດ, ການສະກັດກັ້ນ ແລະຕ້ານການສໍ້ລາດບັງຫຼວງ, ການຄົ້ນຄ້ວາແກ້ໄຂຄຳຮ້ອງຟ້ອງ, ຮ້ອງທຸກ ແລະຄຳສະເໜີ, ການຕິດຕາມ, ກວດກາໂຄງການລົງທຶນຂອງລັດ ເລີ່ມແຕ່ຫົວທີ, ການແກ້ໄຂຜົນການກວດກາ ແລະການຕິດຕາມຈັດຕັ້ງປະຕິບັດຜົນການກວດກາ, ການສ້າງເອກະສານ, ສຳນວນ ແລະສຳນົາເອກະສານ ໃນວຽກງານກວດກາ, ກົງຈັກການຈັດຕັ້ງ ແລະ ການບຳລຸງສ້າງພະນັກງານ; ຊຸດຝຶກອົບຮົມຈະໄດ້ດຳເນີນເປັນເວລາ 09 ວັນ.


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com