ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ທ່ານ ສອນໄຊ ສີພັນດອນ ລົງເຄື່ອນໄຫວຊຸກຍູ້ໂຄງການ ຢູ່ແຂວງໄຊສົມບູນ

November 27, 2020 00:00 AM

ໃນວັນທີ 22 ພະຈິກ 2020 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງແຜນການ ແລະ ການລົງທຶນ, ພ້ອມດ້ວຍ ທ່ານ ພົນຕີ ຄໍາລຽງ ອຸທະໄກສອນ ເຈົ້າແຂວງ ແຂວງໄຊສົມບູນ ແລະ ໜ່ວຍງານທີ່ກ່ຽວຂ້ອງພາຍໃນແຂວງ ໄດ້ລົງເຄື່ອນໄຫວຢ້ຽມຢາມໂຄງການຂຸດຄົ້ນແຮ່ເຫຼັກ ຂອງບໍລິສັດ ໂກເອໂກ ຈໍາກັດ ຕັ້ງຢູ່ເຂດບ້ານນໍ້າຊານ ເມືອງລ່ອງແຈ້ງ ແຂວງໄຊສົມບູນ.

ບໍລິສັດ ໂກເອໂກ ຈໍາກັດ ບໍລິສັດລົງທຶນຈາກ ສສ ຫວຽດນາມ ເຊິ່ງ ໂຄງການມີເນື້ອທີ່ທັງໝົດ 640 ເຮັກຕາ, ອາຍຸສັນຍາ 24 ປີ ໄດ້ເລີ່ມຜະລິດ ແລະ ຂຸດຄົ້ນໃນຕົ້ນປີ 2018, ແຮ່ທາດທີ່ຂຸດຄົ້ນ ແລະ ຜະລິດແມ່ນ ແຮ່ທາດເຫລັກ ເຊິ່ງໃນໄລຍະຜ່ານມາສາມາດຜະລິດແຮ່ທາດເຫລັກໄດ້ 114.000 ໂຕນໃນປີ 2019 ແລະ ປີ 2020 ຄາດວ່າຈະສາມາດຜະລິດໄດ້ 400.000 ໂຕນ ແລະ ສາມາດມອບພັນທະໃຫ້ລັດຖະບານໃນໄລຍະຜ່ານມາ ໄດ້ 34,4 ຕື້ກີບ, ສໍາລັບປີ 2021 ທາງບໍລິສັດ ວາງແຜນສູ້ຊົນຈະຜະລິດໃຫ້ໄດ້ 500.000 ໂຕນ ແລະ ຈະມອບພັນທະໃຫ້ລັດຖະບານ ປະມານ 30 ຕື້ກີບ.

ໂອກາດດັ່ງກ່າວ, ທ່ານຮອງນາຍົກລັດຖະມົນຕີ ໄດ້ສະແດງຄວາມຊົມເຊີຍຕໍ່ ບໍລິສັດ ໂກເອໂກ ຈຳກັດ ທີ່ໄດ້ມາພັດທະນາ ແລະ ລົງທຶນຢູ່ ສປປ ລາວ ແລະ ໄດ້ເນັ້ນໃຫ້ບັນດາພາກສ່ວນທີ່ກ່ຽວຂ້ອງ ຮ່ວມກັບບໍລິສັດ ເພື່ອກວດກາຄືນກ່ຽວກັບແຜນການຄຸ້ມຄອງທາງດ້ານສິ່ງແວດລ້ອມໃນໂຄງການດັ່ງກ່າວ ແນໃສ່ເພື່ອຮັບປະກັນຄວາມປອດໄພໃນດ້ານຕ່າງໆ ແລະ ກໍໄດ້ເນັ້ນໃຫ້ເອົາໃຈໃສ່ໃນການນຳໃຊ້ກອງທຶນສຳລັບການພັດທະນາຊຸມຊົນ ແລະ ທ້ອງຖິ່ນ ໃຫ້ເກີດປະສິດທິພາບ ແລະ ເກີດຜົນປະໂຫຍດສູງສຸດ ເພຶ່ອເລັງໃສ່ການແກ້ໄຂຄວາມທຸກຍາກ ແລະ ສິ່ງຈຳເປັນຂອງປະຊາຊົນ ເປັນບູລິມະສິດ ເປັນຕົ້ນແມ່ນ: ດ້ານການສຶກສາ, ສຸຂະພາບ, ໂພຊະນາການ, ນໍ້າສະອາດ, ລວມທັງການສົ່ງເສີມການຜະລິດເປັນສິນຄ້າແລະ ພ້ອມກັນນັ້ນ ກໍເປັນການສ້າງວຽກເຮັດງານທຳໃຫ້ກັບປະຊາຊົນ ແລະ ຊ່ວຍພັດທະນາຊຸມຊົນໃຫ້ດີຂຶ້ນ.

ໃນໂອກາດດຽວກັນນີ້, ຄະນະດັ່ງກ່າວ ຍັງໄດ້ເດີນທາງໄປຢ້ຽມຢາມໂຄງການກໍ່ສ້າງສໍານັກງານປົກຄອງແຂວງໄຊສົມບູນ, ໂຄງການກໍ່ສ້າງຫໍຫລັກເມືອງ ແລະ ຖ້ຳເຈົ້າອານຸ ເພື່ອຊຸກຍູ້ໃຫ້ຂະບວນການກໍ່ສ້າງສໍາເລັດຕາມຄາດໝາຍທີ່ວາງໄວ້.

 

Powered by Froala Editor


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com