ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ທ່ານ ສອນໄຊ ສີພັນດອນ ຕິດຕາມ-ກວດກາ ໂຄງການກໍ່ສ້າງຊົນລະປະທານຫ້ວຍວັງເຫ

November 13, 2020 00:00 AM

ໃນວັນທີ 7 ພະຈິກ 2020, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ, ພ້ອມດ້ວຍຄະນະ ໄດ້ລົງ ຊຸກຍູ້, ຕິດຕາມ ແລະ ກວດກາ ການຈັດຕັ້ງປະຕິບັດ ໂຄງການກໍ່ສ້າງຊົນລະປະທານ ອ່າງເກັບນ້ຳຫ້ວຍວັງເຫ ຢູ່ເມືອງໂພນທອງ ແຂວງຈຳປາສັກ.

ໂຄງການກໍ່ສ້າງຊົນລະປະທານອ່າງເກັບນ້ຳຫ້ວຍວັງເຫ ແມ່ນໂຄງການໜຶ່ງທີ່ນອນຢູ່ໃນແຜນງານຄ້ຳປະກັນສະບຽງອາຫານ ແລະ ແຜນງານຜະລິດເປັນສິນຄ້າ ໂດຍໄດ້ບັນຈຸເຂົ້າໃນແຜນການລົງທຶນຂອງລັດເລີ່ມແຕ່ສົກປີ 2012-2013 ເປັນຕົ້ນມາ ໂດຍມີມູນຄ່າທັງໝົດ 387,38 ຕື້ກີບ ເຊິ່ງໄດ້ແບ່ງການຈັດຕັ້ງປະຕິບັດອອກເປັນ 3 ໄລຍະ, ໃນນີ້ ລັດຖະບານ ໄດ້ອະນຸມັດໃຫ້ຈັດຕັ້ງປະຕິບັດໄລຍະທີ 1 ກ່ອນ ຈຳນວນ 120 ຕື້ກີບ ແຕ່ປີ 2012-2020 ເຊິ່ງມາຮອດປັດຈຸບັນສໍາເລັດແລ້ວ 40%.

      ຊົນລະປະທານແຫ່ງນີ້ ມີເນື້ອທີ່ອ່າງເກັບນ້ຳ 880 ເຮັກຕາ ເປັນໂຄງການແບບໄຫລເອງ ເຊິ່ງສາມາດເກັບກັກນ້ຳໄດ້ 37 ລ້ານແມັດກ້ອນ ເພື່ອສະໜອງນ້ຳໃຫ້ແກ່ການຜະລິດເຂົ້ານາປີ 2.500 ເຮັກຕາ, ນາແຊງ 1.500 ເຮັກຕາ ແລະ ການຜະລິດພືດລະດູແລ້ງ 1.000 ເຮັກຕາ ໂດຍມີປະຊາຊົນ 1.700 ກວ່າຄອບຄົວໃນ 3 ບ້ານ ໄດ້ຮັບຜົນປະໂຫຍດ.

      ການຈັດຕັ້ງປະຕິບັດໜ້າວຽກທີ່ນອນຢູ່ໃນໄລຍະທີ 1 ແມ່ນສຳເລັດ 100%, ແຕ່ເນື່ອງຈາກວ່າ ມີບາງໜ້າວຽກມີລັກສະນະຕໍ່ເນື່ອງດ້ານເຕັກນິກ ຈຶ່ງຈຳເປັນຕ້ອງໄດ້ປະຕິບັດໃຫ້ສຳເລັດ, ສະນັ້ນ ເຈົ້າຂອງໂຄງການຈຶ່ງໄດ້ປຶກສາຫາລືກັບພາກສ່ວນທີ່ກ່ຽວຂ້ອງ ແລະ ເຫັນດີໃຫ້ຜູ້ຮັບເໝົາ ປະຕິບັດໜ້າວຽກທີ່ຈຳເປັນນັ້ນທີ່ບໍ່ນອນໃນສັນຍາໄລຍະທີ 1 ຈຶ່ງເຮັດໃຫ້ການປະຕິບັດວຽກຕົວຈິງມາຮອດປັດຈຸບັນສຳເລັດ 129,8% ຫລື ເທົ່າກັບ 155,8 ຕື້ກີບ ໂດຍລື່ນຈາກມູນຄ່າອະນຸມັດ 35,8% ຕື້ກີບ.

      ເພື່ອສືບຕໍ່ຈັດຕັ້ງປະຕິບັດບັນດາໜ້າວຽກທີ່ຍັງບໍ່ທັນສຳເລັດ, ເຈົ້າຂອງໂຄງການ ຈຶ່ງສະເໜີໃຫ້ລັດຖະບານ ຄົ້ນຄວ້າສືບຕໍ່ອະນຸມັດໃນການຈັດຕັ້ງປະຕິບັດໄລຍະທີ 2 ໂດຍສະເພາະວຽກກໍ່ສ້າງລະບົບຫົວງານ ແລະ ວຽກກໍ່ສ້າງເຂື່ອນດິນ ເຊິ່ງຈຳເປັນຕ້ອງໄດ້ເລີ່ມຈັດຕັ້ງປະຕິບັດໂດຍໄວ ເພື່ອຮັບປະກັນໃຫ້ສຳເລັດກ່ອນລະດູຝົນທີ່ຈະມາຮອດນີ້.

H.E. Sonsay Siphandone monitors the progress of Huay Wang Hea Irrigation Project in Champasack province

 

 

Powered by Froala Editor


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com