ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ກຜທ ຝຶກອົບຮົມການນຳໃຊ້ລະບົບສື່ສານພາກລັດ (G-Chat) ໃຫ້ແກ່ພະນັກງານຂັ້ນກົມ

October 15, 2020 00:00 AM

ໃນວັນທີ 9 ຕຸລາ 2020 ທີ່ຜ່ານມາ, ໄດ້ມີການຈັດຝຶກອົບຮົມການນຳໃຊ້ລະບົບສື່ສານພາກລັດ (G-Chat) ສໍາລັບພະນັກງານຂັ້ນຫົວໜ້າກົມ ໂດຍການເປັນປະທານຂອງ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະການລົງທຶນ ແລະ ມີບັນດາທ່ານຫົວໜ້າກົມ ຂອງບັນດາກົມກອງ ຢູ່ພາຍໃນ ກຜທ ເຂົ້າຮ່ວມ. ການເຝິກອົບຮົມໃນຄັ້ງນີ້ແມ່ນ ບັນຍາຍໂດຍນັກວິທະຍາກອນຈາກ ສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີໂທລະຄົມມະນາຄົມ ແລະ ການສື່ສານ.

          ໂປແກມ ການສື່ສານພາກລັດ (G-Chat) ຖືກພັດທະນາຂຶ້ນເພື່ອຮັບໃຊ້ໃຫ້ແກ່ ການຕິດຕໍ່ສື່ສານພາຍໃນຂອງພາກລັດ ເພື່ອໃຫ້ການສື່ສານທາງການຂອງ ພະນັກງານລັດ ຢູ່ໃນບັນດາ ກະຊວງ, ອົງການ ກໍຄື ການຈັດຕັ້ງຂັ້ນທ້ອງຖິ່ນ ມີຄວາມສະດວກ, ສາມາດຕອບສະໜອງການເຮັດວຽກໃນຍຸກດິຈິຕອນໄດ້ເປັນຢ່າງດີ ແລະ ສິ່ງສໍາຄັນແມ່ນສາມາດຮັກສາຂໍ້ມູນໃນລະບົບຢູ່ພາຍໃນປະເທດ ເຮັດໃຫ້ຂໍ້ມູນທີ່ມີການແລກປ່ຽນກັນນັ້ນ ມີຄວາມປອດໄພ ແລະ ປ້ອງກັນຄວາມລັບໃນການສົນທະນາບໍ່ໃຫ້ຮົ່ວໄຫຼອອກໄປນອກ. ກະຊວງ ແຜນການ ແລະ ການລົງທຶນ ເປັນກະຊວງໜຶ່ງທີ່ໄດ້ຮັບບູລິມະສິດ ໃນການເລີ່ມທົດລອງ ນຳໃຊ້ ລະບົບການສື່ສານຂອງພາກລັດ G-Chat ໂດຍເບື້ອງຕົ້ນແມ່ນ ທົດລອງນຳໃຊ້ ຢູ່ຫ້ອງການກະຊວງ ຜທ ເລີ່ມແຕ່ ແຕ່ທ້າຍເດືອນກຸມພາ ເປັນຕົ້ນມາ. G-Chat ເປີດໂຕນໍາໃຊ້ຢ່າງເປັນທາງການໃນເດືອນກໍລະກົດ 2020 ແລະ ປັດຈຸບັນໄດ້ສໍາເລັດການລົງທະບຽນໃຫ້ແກ່ ພະນັກງານຂັ້ນ ຄະນະນຳກະຊວງ ແລະ ຂັ້ນຫົວໜ້າກົມ ຢູ່ພາຍໃນ ກຜທ, ຫຼັງຈາກນັ້ນກໍຈະເປີດນໍາໃຊ້ໃຫ້ພະນັກງານທ່ານອື່ນໆໃນໄວໆນີ້ ເພື່ອເປັນການກ້າວໄປສູ່ການ ຫັນເປັນທັນສະໄໝຂອງຂະແໜງ ແຜນການ ແລະ ການລົງທຶນ ເທື່ອລະກ້າວ.

  

Powered by Froala Editor


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com