ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ທ່ານ ສອນໄຊ ສີພັນດອນ ເປັນປະທານກອງປະຊຸມພາຍໃນຄົບຄະນະກໍາມະທິການຮ່ວມມືດ້ານເສດຖະກິດ-ການຄ້າ ແລະ ວິທະຍາສາດ-ເຕັກນິກ ລາວ-ຣັດເຊຍ

October 07, 2020 00:00 AM

ໃນຕອນບ່າຍຂອງວັນທີ 6 ຕຸລາ 2020 ທີ່ກະຊວງແຜນການ ແລະ ການລົງທຶນ ໄດ້ຈັດກອງປະຊຸມພາຍໃນຄົບຄະນະກໍາມະທິການຮ່ວມມືດ້ານເສດຖະກິດ-ການຄ້າ ແລະ ວິທະຍາສາດ-ເຕັກນິກ ລາວ-ຣັດເຊຍ ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ແລະ ປະທານຄະນະກຳມາທິການຮ່ວມມື ລາວ-ຣັດເຊຍ ແລະ ແຂກທີ່ເຂົ້າຮ່ວມຕາງໜ້າຈາກກະຊວງຕ່າງໆ ເປັນຕົ້ນ ທ່ານ ຮອງລັດຖະມົນຕີກະຊວງການຕ່າງປະເທດ, ທ່ານ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ແລະ ຕາງໜ້າຈາກບັນດາກະຊວງຂະແໜງການທີ່ກ່ຽວຂ້ອງ.

ໃນກອງປະຊຸມເຈລະຈາຄັ້ງນີ້, ຈະໄດ້ປຶກສາຫາ ແລະ ພ້ອມກັນກວດກາຄືນບັນດາວຽກງານການຮ່ວມມືລາວ-ຣັດເຊຍ ໃນໄລຍະຜ່ານມາໄດ້ມີຄວາມຄືບໜ້າຄືແນວໄດ ລວມທັງແຜນການຮ່ວມມືໃນຕໍ່ໜ້າ ເພື່ອຍາດແຍ່ງການຮ່ວມມືກັບຝ່າຍຣັດເຊຍ ແລກປ່ຽນຄວາມຄິດເຫັນ ເພື່ອເປັນຂໍ້ມູນໃນການປຶກສາຫາລືກັບຝ່າຍຣັດເຊຍ ເພື່ອຜົນປະໂຫຍດອັນລວມມາໃຫ້ ສປປ ລາວ ໃນການສ້າງສາພັດທະນາປະເທດຊາດ. 

ປະຈຸບັນ ການຮ່ວມມືລະຫວ່າງ ສປປ ລາວ ແລະ ສະຫະພັນຣັດເຊຍ ໄດ້ມີສາຍພົວພັນການທູດຄົບຮອບ 60 ປີ ເຊິ່ງໃນໂອກາດນີ້ ທາງສະຖານທູດຣັດເຊຍ ປະຈໍາ ສປປ ລາວ ຈະໄດ້ຈັດພິທີສະເຫລີມສະຫລອງສາຍພົວພັນດັ່ງກ່າວ ໃນວັນທີ 7 ຕຸລາ 2020 ແລະ ຈະເຊີນການນໍາຂອງແຕ່ລະກະຊວງຂະແໜງການເຂົ້າຮ່ວມ, ພ້ອມດຽວກັນນີ້ ທັງສອງຝ່າຍເຫັນດີຍົກລະດັບການຮ່ວມມືສອງຝ່າຍ ເປັນການຮ່ວມມືຍຸດທະສາດຮອບດ້ານ.

ມາຮອດປະຈຸບັນການຮ່ວມມືລະຫວ່າງ ສປປ ລາວ ແລະ ຣັດເຊຍ ແມ່ນຢູ່ໃນໄລຍະການຜັນຂະຫຍາຍຜົນຂອງກອງປະຊຸມຄະນະກໍາມະທິການຮ່ວມດ້ານເສດຖະກິດ-ການຄ້າ ແລະ ວິທະຍາສາດ-ເຕັກນິກ ລາວ-ຣັດເຊຍ ຄັ້ງທີ່ 15 ທີ່ຈັດຂື້ນໃນວັນທີ 8-9 ກໍລະກົດ 2019 ທີ່ມົດສະກູ, ສ. ຣັດເຊຍ. ເຊິ່ງກວມເອົາການພົວພັນຮ່ວມມືໃນຂົງເຂດຕ່າງໆເຊັ່ນ: 1. ການຄ້າ ແລະ ການລົງທຶນ, 2.     ອຸດສາຫະກໍາ ແລະ ການຄ້າ, 3. ພະລັງງານ ແລະ ບໍ່ແຮ່, 4.         ຂໍ້ມູນຂ່າວສານ,ໂທລະຄົມມະນາຄົມ-ເທັກໂນໂລຢີ ແລະ ການສື່ສານມວນຊົນ, 5. ວິທະຍາສາດ ແລະ ການສຶກສາ, 6. ສາທາລະນະສຸກ ແລະ 8. ວັດທະນາທໍາການທ່ອງທ່ຽວ ແລະ ວຽກງານອື່ນໆ ທີ່ປິ່ນອ້ອມ. ໃນນັ້ນ, ການຮ່ວມມືທີ່ຜົ້ນເດັ່ນແມ່ນການຮ່ວມມື ລະຫວ່າງ ກະຊວງການຕ່າງປະເທດ, ທະນາຄານແຫ່ງ ສປປ ລາວ ແລະ ບໍລິສັດ MK-SP Ltd ໃນໂຄງການຜະລິດ ອີປາດສະປໍ, ພີມພັນທະບັດ ແລະ ການຮ່ວມມືໃນຂົງເຂດການສຶກສາ ເຫັນວ່ານັບແຕ່ປີ 2010 ມາເຖິງປະຈຸບັນ ໄດ້ມີນັກສຶກສາລາວ ໄປຮຽນຢູ່ ສະຫະພັນຣັດເຊຍມີ 283 ຄົນ, ຍິງ 109 ຄົນ, ນອກນັ້ນ, ຍັງໄດ້ເປີດສອນພາສາຣັດເຊຍຢູ່ສູນວິທະຍາສາດ ແລະ ວັດຖະນາທໍາລາວ-ຣັດເຊຍ ຢູ່ນະຄອນຫລວງວຽງຈັນ.


 

Powered by Froala Editor


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com