ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ສອງຄະນະກຳມະການຮ່ວມມືລາວ-ຫວຽດນາມ ແລະ ຫວຽດນາມ-ລາວ ພົບປະເຮັດວຽກທົບທວນຄືນ ການຈັດຕັ້ງປະຕິບັດວຽກງານຮ່ວມມື ລາວ-ຫວຽດນາມ ແລະ ວາງແຜນການຮ່ວມມືໃນຕໍ່ໜ້າ

October 02, 2020 00:00 AM

ໃນລະຫວ່າງວັນທີ 29 ກັນຍາ ຫາ ວັນທີ 01 ຕຸລາ 2020, ສອງຄະນະກຳມະການຮ່ວມມືລາວ-ຫວຽດນາມ ແລະ ຫວຽດນາມ-ລາວ ໄດ້ພົບປະເຮັດວຽກຮ່ວມກັນຢູ່ ທີ່ດ່ານສາກົນແດນສະຫວັນ-ລາວບາວ ໂດຍພາຍໃຕ້ການເປັນປະທານຮ່ວມຂອງ ສະຫາຍ ຄໍາເຜີຍ ແກ້ວກິນນາລີ, ຮອງປະທານຜູ້ປະຈຳການຄະນະກຳມະການຮ່ວມມືລາວ-ຫວຽດນາມ ແລະ ສະຫາຍ ຫງວຽນ ວັນ ຈຸງ, ຮອງປະທານຜູ້ປະຈຳການຄະນະກຳມະການຮ່ວມມືຫວຽດນາມ-ລາວ.

ການຈັດກອງປະຊຸມໃນລະດັບວິຊາການຄັ້ງນີ້ ແມ່ນມີຄວາມສຳຄັນ ເຊິ່ງສອງຝ່າຍ ໄດ້ຮ່ວມກັນທົບທວນສະຫຼຸບຕີລາຄາຄືນສະພາບການຈັດຕັ້ງປະຕິບັດຍຸດທະສາດການຮ່ວມມື ລາວ-ຫວຽດນາມ ໄລຍະ10 ປີ (2011-2020) ແລະ ສັນຍາຮ່ວມມືໄລຍະ 05 ປີ (2016-2020) ຜ່ານມາ ແລະ ປຶກສາຫາລືຍຸດທະສາດການຮ່ວມມື ໃນໄລຍະແຕ່ 2021-2030 ແລະ ແຜນຮ່ວມມື 5 ປີ (2021-2025) ໃຫ້ມີຄວາມເປັນເອກະພາບຮ່ວມກັນກ່ອນນໍາສະເໜີລັດຖະບານ ຂອງສອງປະເທດ ພິຈາລະນາ ເພື່ອນໍາເຂົ້າຜ່ານກອງປະຊຸມຂອງສອງຄະນະກຳມະການຮ່ວມມືທະວີພາຄີ ລະຫວ່າງລັດຖະບານ ແຫ່ງ ສປປ ລາວ ແລະ ລັດຖະບານແຫ່ງ ສສ ຫວຽດນາມ ໃນທ້າຍປີ 2020. ຜ່ານການເຮັດວຽກຮ່ວມກັນ, ສອງຄະນະວິຊາການ ໄດ້ຕີລາຄາສູງ ແລະ ຈະສືບຕໍ່ພົບປະເຮັດວຽກຮ່ວມກັນຕື່ມ ເພື່ອປັບປຸງເນື້ອໃນເອກະສານໃຫ້ສໍາເລັດກ່ອນກອງປະຊຸມໃນທ້າຍປີ.

ການພົບປະຄັ້ງນີ້, ສອງຝ່າຍ ໄດ້ຈັດຕັ້ງປະຕິບັດມາດຕະການປ້ອງກັນ ແລະ ຄວບຄຸມການລະບາດຂອງພະຍາດ COVID-19 ທີ່ສອງປະເທດໄດ້ກໍານົດຢ່າງເຂັ້ມງວດ ໂດຍກໍານົດເອົາຈຸດດ່ານຊາຍແດນ ແດນສະຫວັນ-ລາວບາວ ເປັນສະຖານທີ່ພົບປະເຮັດວຽກ.

ໃນໂອກາດເຂົ້າຮ່ວມກອງປະຊຸມຄັ້ງນີ້, ໂດຍໄດ້ຮັບການມອບໝາຍຈາກ ສະຫາຍ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ, ປະທານຄະນະກໍາມະການຮ່ວມມື ລາວ-ຫວຽດນາມ ໄດ້ມອບເງິນເພື່ອຊ່ວຍເຫຼືອໃຫ້ແກ່ຜູ້ທີ່ຖືກເຄາະຮ້າຍຈາກພະຍຸໂນອຶນ (ພະຍຸໝາຍເລກ 5) ທີ່ພັດກະໜໍ່າບັນດາແຂວງພາກກາງ ຂອງ ສສ ຫວຽດນາມ ຈໍານວນ 550.000.000 ກີບ, ທຶນດັ່ງກ່າວ ແມ່ນນໍ້າໃຈ ແລະ ການປະກອບສ່ວນຂອງຂະແໜງ ການແຜນການ ແລະ ການລົງທຶນ ແລະ ບັນດາບໍລິສັດ, ທຸລະກິດທີ່ມີການຮ່ວມມືລົງທຶນກັບຝ່າຍຫວຽດນາມ ເຊັ່ນ: ບໍລິສັດ PT Sole, ປີໂຕເທຼດ ແລະ ບໍລິສັດ ຈະເລີນເຊກອງ.



Powered by Froala Editor


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com