ກະຊວງແຜນການ ແລະ ການລົງທຶນ

Ministry of Planning and Investment

MPI New Logo

ທ່ານຮອງປະທານຄະນະກໍາມະການຮ່ວມມືລາວ-ຈີນ ລົງຢ້ຽມຢາມ ແລະ ຊຸກຍູ້ ໂຄງການທົດລອງແກ້ໄຂຄວາມທຸກຍາກລາວ-ຈີນ ຢູ່ ບ້ານຊໍ້

September 25, 2020 00:00 AM

ໃນວັນທີ 28 ສິງຫາ 2020 ນີ້, ທ່ານ ແຄນທອງ ສີສຸວົງ ຮອງປະທານຄະນະກໍາມາທິການຮ່ວມມືລາວ-ຈີນ ໄດ້ລົງກວດກາຜົນສໍາເລັດ ແລະ ຄວາມຄືບໜ້າບາງໜ້າວຽກທີ່ກໍາລັງກໍ່ສ້າງ ແລະ ພົບປະກັບປະຊາຊົນໃນບ້ານຊໍ້. ໂຄງການພັດທະນາບ້ານຊໍ້ ມີທັງໝົດ 9 ໜ້າວຽກ ເຊິ່ງໄດ້ຈັດຕັ້ງ ແລະ ປະຕິບັດມາແຕ່ປີ 2017, ປັດຈຸບັນມີ 8 ໜ້າວຽກທີ່ກໍ່ສ້າງສໍາເລັດແລ້ວ ຄື: ກໍ່ສ້າງເສັ້ນທາງ, ກໍ່ສ້າງຫໍພັກຄູ-ນັກຮຽນ, ກໍ່ສ້າງຫ້ອງນໍ້າ, ເດີ່ນບານບ້ວງໃນໂຮງຮຽນ, ສະໜອງອຸປະກອນການຮຽນ-ການສອນ, ກໍ່ສ້າງສຸກສາລາ, ສະໂມສອນບ້ານ, ຕິດຕັ້ງນໍ້າປະປາ, ຕິດຕັ້ງພະລັງງານໄຟຟ້າແສງຕາເວັນ. ສໍາລັບວຽກກໍ່ສ້າງຂົວຂ້າມນໍ້າສັງ ສໍາເລັດ 80% ແລ້ວ. ນອກຈາກໂຄງການສ້າງໂຄງລ່າງພື້ນຖານແລ້ວ, ຍັງມີໂຄງການປັບປຸງ ແລະພັດທະນາຊີວິດການເປັນຢູ່ຂອງປະຊາຊົນອີກ 3 ກິດຈະກໍາ ກ່ຽວກັບການຜະລິດກໍ່ໄດ້ສໍາເລັດແລ້ວ ຄື: ກິດຈະກໍາສົ່ງເສີມການປູກສາລີ, ກິດຈະກໍາສົ່ງເສີມການລ້ຽງງົວ ແລະ ກິດຈະກໍາ ຫັດຖະກໍາຕໍ່າຫູກ-ຕໍ່າແຜ່ນ.

ທ່ານ ແຄນທອງ ສີສຸວົງ ໄດ້ກ່າວວ່າ: “ສອງລັດຖະບານລາວ-ຈີນ ໄດ້ສ້າງໂຄງການດັ່ງກ່າວນີ້ ແມ່ນເພື່ອປະກອບສ່ວນການສ້າງສາ ແລະ ພັດທະນາຂອງສອງປະເທດ ເຊິ່ງນອນຢູ່ໃນການຮ່ວມມືຢ່າງຮອບດ້ານ ແລະ ການສ້າງຄູ່ຮວມຊາຕະກໍາລາວ-ຈີນ ໃຫ້ນັບມື້ຮັກແພງ, ພັດທະນາ ແລະ ສ້າງຄວາມເຂັ້ມແຂງຂຶ້ນເລື້ອຍໆ ເພື່ອໃຫ້ປະຊາຊົນມີຢູ່ມີກິນ ແລະ ມີການພັດທະນາຂະຫຍາຍຕົວໄປເທື່ອລະກ້າວຢ່າງຍືນຍົງ”. ພ້ອມນັ້ນ, ທ່ານເຈົ້າເມືອງສັງທອງ ໄດ້ຕາງໜ້າ ອໍານາດການປົກຄອງເມືອງ, ບ້ານ ແລະ ປະຊາຊົນບ້ານຊໍ້ ສະແດງຄວາມຂອບໃຈຢ່າງສູງມາຍັງທັງສອງລັດຖະບານລາວ-ຈີນ ທີ່ໃຫ້ການຊ່ວຍເຫຼືອ ແລະໃຫ້ປະໂຫຍດຫຼາຍດ້ານຢ່າງເຫັນເປັນຮູບປະທໍາທີ່ສາມາດເຮັດໃຫ້ປະຊາຊົນຫຼຸດພົ້ນອອກຈາກຄວາມທຸກຍາກໄດ້ ແລະ ໃຫ້ຄໍາເຫັນວ່າ “ປະຊາຊົນບ້ານຊໍ້ ທຸກຄົນຕ້ອງພ້ອມກັນສືບສານຕໍ່ ແລະ ຕໍ່ຍອດໂອກາດທີ່ໄດ້ຮັບຫຼາຍຢ່າງນີ້ໃຫ້ເກີດການພັດທະນາ ແລະ ຄວາມກ້າວໜ້າຢ່າງຍືນຍົງນັບມື້ເຂັ້ມແຂງ”.

 

Powered by Froala Editor


ກອງປະຊຸມ ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດCOVID-19 ຕໍ່ເສດຖະກິດລາວ.

August 12, 2020 00:00 AM

ຄະນະສະເພາະກິດດ້ານເສດຖະກິດ ເພື່ອແກ້ໄຂຜົນກະທົບຈາກການລະບາດພະຍາດໂຄວິດ-19 ຕໍ່ເສດຖະກິດລາວ ຕາມຂໍ້ຕົກລົງຂອງທ່ານນາຍົກລັດຖະມົນຕີ ເລກທີ 32/ນຍ ລົງວັນທີ 3 ເມສາ2020 ໄດ້ຈັດ ກອງປະຊຸມຂື້ນ ໃນວັນທີ 20 ເມສາ 2020 ທີ່ ກະຊວງ ແຜນການ ແລະການລົງທືນ, ໂດຍ ການເປັນ ປະທານ&...


ອ່ານຕື່ມ

ພິທີເຊັນສັນຍາ ລະຫວ່າງ ລັດຖະບານ ຕ່າງໜ້າເຊັນ ໂດຍ ທ່ານ ນາງ ຄຳຈັນ ວົງແສນບູນ ແລະ ບໍລິສັດຄູນມີໄຊກໍ່ສ້າງສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ.

August 10, 2020 00:00 AM

ບໍລິສັດຄູນມີໄຊກໍ່ສ້າງ ແລະ ສ້ອມແປງຂົວທາງ (KMX) ປະເທດລາວ ແລະ ບໍລິສັດລົງທຶນພະລັງງານເອໂວລູຊັ່ນ (EPIC) ປະເທດສິງກະໂປ ສົນໃຈລົງທຶນສ້າງໂຮງງານຜະລິດໄຟຟ້າພະລັງຄວາມຮ້ອນຈາກຖ່ານຫີນ ທີ່ສາມາດຜະລິດໄຟຟ້າໄດ້ຂະໜາດ 1.000 ເມກາວັດ ຢູ່ເມືອງດາກຈຶງແຂວງເຊກອງ ເພື່ອສົ່ງອອກໄປປະເທ...


ອ່ານຕື່ມ

ທ່ານ ປອ. ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ເປັນປະທານຮ່ວມກອງປະຊຸມ ສຳມະນາກ່ຽວກັບຜົນສຳເລັດ ແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ.

August 10, 2020 00:00 AM

ການສຳມະນາກ່ຽວກັບຜົນສຳເລັດແລະບາດກ້າວຕໍ່ໄປຂອງວຽກງານເຕີບໂຕສີຂຽວ ໃນ ສປປ ລາວ ໃນຕອນເຊົ້າວັນທີ 21 ກຸມພາ ປີ 2020, ການເຊື່ອມສານຍຸດທະສາດສີຂຽວເຂົ້າໃນການພັດທະນາເສດຖະກິດ ແມ່ນມີຄວາມສຳຄັນ ເພາະເປັນການພັດທະນາທີ່ນຳໃຊ້ຊັບ ພະຍາກອນທຳມະຊາດ ທີ່ຈຳກັດໃຫ້ມີປະສິດທິຜົນສູງສຸດ.<...


ອ່ານຕື່ມ

ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ເນັ້ນຊີ້ນຳຊຸກຍູ້ໃຫ້ການນຳແຂວງບໍ່ແກ້ວ ແລະໄຊຍະບູລີ ເພື່ອເອົາໃຈໃສ່ປະຕິບັດແຜນພັດທະນາເສດຖະກິດຂອງແຂວງໃຫ້ບັນລຸເປົ້າໝາຍ.

August 11, 2020 00:00 AM

ໃນລະຫວ່າງວັນທີ 5-6 ມິຖຸນາ ທີ່ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີ ກະຊວງແຜນການ ແລະການລົງທຶນ ໄດ້ເດີນທາງໄປຍ້ຽມຍາມ ແຂວງບໍ່ແກ້ວ ແລະແຂວງໄຊຍະບູລີ ເພື່ອຊຸກຍູ້ ແລະຕິດຕາມການປະຕິບັດແຜນພັດທະນາເສດຖະກິດ-ສັງຄົມຂອງສອງແຂວງ ດັ່ງກ່າວ. ເຊິ່ງທຳອິດໄດ້...


ອ່ານຕື່ມ

ສະໝັບໜຸນໂດຍ ໂຄງການລາວ 033​: ໂຄງການສ້າງຄວາມເຂັ້ມແຂງວຽກງານຄຸ້ມຄອງ ຊກພ ຢູ່ ສປປ ລາວ ໃຫ້ມີປະສິດທິຜົນ

ສະຫງວນລິຂະສິດ © 2020. ກະຊວງແຜນການ ແລະ ການລົງທຶນ

ຖະໜົນ ສຸພານຸວົງ, ບ້ານສີຖານເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ

ໂທ: 021 217020, ແຟັກ: 021 217010

ອີເມວ: info@mpi.gov.la or info.mpi2020@gmail.com